بيىل سەمەيدە قالا كۇنى «سەمەيدى ءسۇيۋ – تاريحقا باس يۋ!» تاقىرىبىمەن اتالىپ ءوتتى. جەتى كۇنگە سوزىلعان مەرەكەلىك اپتالىق اياسىندا مادەني، سپورتتىق جانە تانىمدىق باعىتتاعى 20-دان استام اۋقىمدى ءىس-شارا ۇيىمداستىرىلىپ، 150 مىڭ ادام قامتىلدى.
مەرەكە اياسىندا ۇلتتىق سپورتتى ۇلىقتاعان بايگە ۇيىمداستىرىلدى. سونىمەن قاتار اۋدارىسپاق، قول كۇرەس، گىر كوتەرۋ جانە ارقان تارتىستان جارىستار ءوتىپ، قاتىسۋشىلار كۇش-قايراتى مەن ەپتىلىگىن سىنعا سالدى.
سونداي-اق كۇش پەن جىگەردى سىناعان «سەمەي باتىرى» ءتۋرنيرى، سالاۋاتتى ءومىر سالتىن دارىپتەگەن «TUNGI RUN – SEMEY» تۇنگى جۇگىرۋ شاراسى ءوتتى. بالالاردىڭ ونەر بايقاۋى، قولونەر جارمەڭكەسى مەن سپورتتىق سايىستار تۇرعىندار مەن قالا قوناقتارىنىڭ باسىن قوسىپ، مەرەكەلىك كوڭىل كۇي سىيلادى.
مەرەكەلىك اپتالىق قاراعايلى شاعىناۋدانىنداعى رەسپۋبليكا الاڭىندا وتكەن اۋقىمدى Open Air گالا-كونتسەرتىمەن قورىتىندىلاندى. ساحنادا تۇرار ىدىرىس، ايدانا مەدەنوۆا، AYREE, ەرنار اماندىق، سونداي-اق قىرعىزستاننان AMIRCHIK, گەرمانيادان NANA DARKMAN جانە مولدوۆادان ARSENIUM FROM O-ZONE ونەر كورسەتتى. كەشتى جازيرا ەركىن مەن DAKE جۇرگىزدى.
تۇرعىندارعا قولايلى بولۋى ءۇشىن گالا-كونتسەرتتىڭ تىكەلەي كورسەتىلىمى اربات اۋماعىندا جانە مۇحتار اۋەزوۆ الاڭىندا ۇيىمداستىرىلدى. مەرەكەلىك كەش جارقىن وتشاشۋمەن اياقتالدى.
