اقش پرەزيدەنتى دونالد ترامپ ۆاشينگتون مەن تەگەران اراسىنداعى اتىستى توقتاتۋ تۋرالى كەلىسىمگە بۇگىن، ياعني جەكسەنبىدە قول قويىلۋى مۇمكىن ەكەنىن مالىمدەدى. ونىڭ ايتۋىنشا، كەلىسىم كۇشىنە ەنگەن جاعدايدا ورمۋز بۇعازى قايتا اشىلادى، دەپ حابارلايدى "ادىرنا".
ترامپتىڭ سوزىنشە، قۇجاتقا قول قويىلعاننان كەيىن يراننىڭ جوعارى دەڭگەيدە بايىتىلعان ۋرانى جويىلادى دەگەن ءۇمىت بار.
«جاعداي تۇراقتانعان سوڭ جەر استىندا قالعان يادرولىق ماتەريالداردى جيناپ، ولاردى يراندا نەمەسە اقش-تا تولىقتاي جويۋعا بولادى. ءبىز يرانمەن جانە تاياۋ شىعىس ەلدەرىمەن ۇزاق مەرزىمدى ىنتىماقتاستىق ورناتامىز دەپ سەنەمىز»، – دەپ جازدى اقش پرەزيدەنتى.
سونداي-اق ول يراننىڭ الداعى ۋاقىتتا كۇش قولدانۋ جولىنان باس تارتۋى مۇمكىن ەكەنىن ايتتى.
ءوز كەزەگىندە يراننىڭ سىرتقى ىستەر ءمينيسترى ابباس اراكچي اقش-پەن اتىستى توقتاتۋ جونىندەگى كەلىسىمگە قول جەتكىزۋگە جاقىن قالعاندارىن مالىمدەگەن. ونىڭ ايتۋىنشا، قۇجاتتا ورمۋز بۇعازىن قايتا اشۋ ماسەلەسى دە قاراستىرىلعان. ال يراننىڭ يادرولىق باعدارلاماسىنا قاتىستى جەكە كەلىسسوزدەر كەيىنىرەك جالعاسۋى مۇمكىن.
ەسكە سالايىق، تاراپتار ءساۋىر ايىندا اتىستى توقتاتۋ جونىندە ۋاعدالاسقانىمەن، ارا-تۇرا ءبىر-بىرىنە سوققى جاساپ كەلەدى.
ايتا كەتەيىك، بۇگىن ترامپتىڭ تۋعان كۇنى. اقش پرەزيدەنتى 80 جاسقا تولدى.
