فوتو: report.az
يران 12 تامىزدا كاسپي ماڭى ەلدەرىنىڭ ءسامميتىن ءوز اۋماعىندا وتكىزۋدى جوسپارلاپ وتىر. Report اگەنتتىگىنىڭ تاسس-قا سىلتەمە جاساپ حابارلاۋىنشا، بۇل تۋرالى يراننىڭ قازاقستانداعى ەلشىسى ءالي اكبار دجوۋكار استانادا وتكەن ايماقتىق ەكولوگيالىق سامميتتە مالىمدەدى، دەپ حابارلايدى "ادىرنا".
ديپلومات وڭىردەگى جاعدايدىڭ شيەلەنىسۋىنە قاراماستان، يران تاراپى بۇل ءىس-شارانى قابىلداي الادى دەگەن ءۇمىتىن ءبىلدىردى.
«2026 جىلدىڭ تامىز ايىندا يران يسلام رەسپۋبليكاسى كاسپي ماڭى مەملەكەتتەرىنىڭ جەتىنشى ءسامميتىن قابىلدايدى. ءبىز كاسپي تەڭىزىنىڭ حالىقارالىق كۇنىنە (12 تامىز) جانە تەگەران كونۆەنتسياسىنىڭ كۇشىنە ەنگەنىنە 20 جىل تولۋىنا وراي، تەگەراندا كاسپي ماڭى ەلدەرىنىڭ پرەزيدەنتتەرىن قارسى الۋ قۇرمەتىنە يە بولامىز دەگەن ۇمىتتەمىز»، – دەدى ول.
ۇقساس جاڭالىقتار
