اقش قازاقستانعا باج سالىعىن ەنگىزدى

426
Adyrna.kz Telegram

اقش اكىمشىلىگى قازاقستاننان يمپورتتالاتىن تاۋارلارعا 27% كولەمىندە كەدەندىك باج سالىعىن ەنگىزدى، دەپ حابارلايدى “ادىرنا” ۇلتتىق پورتالى.

بۇل تۋرالى دونالد ترامپ ءوزىنىڭ Truth Social الەۋمەتتىك جەلىسىندەگى پاراقشاسىندا جاريالادى.

اقش-تىڭ جاڭا باج سالىعى نەگىزىنەن «ءوزارا ساۋدا تەڭگەرىمىن ورناتۋ» ماقساتىندا ەنگىزىلگەن. جاريالانعان تىزىمگە 185 مەملەكەت ەنگەن. بازالىق تاريف 10% بولعانىمەن، كەيبىر ەلدەر ءۇشىن سالىق مولشەرى ەداۋىر جوعارى بولىپ شىقتى. مىسالى، قىتايدان يمپورتتالاتىن تاۋارلارعا 34%، ەۋروپالىق وداق ەلدەرىنەن 20%، شۆەيتساريادان 31%، ۇلىبريتانيادان 10%، يزرايلدەن 17%، ال قازاقستاننان 27% كەدەندىك سالىق سالىناتىن بولدى. ەڭ جوعارى باج سالىعى ۆەتنام (46%), كامبودجا (49%) جانە لاوس (48%) ەلدەرىنە ەنگىزىلدى.

ترامپ بۇل شارانى «بوساتۋ كۇنىنىڭ قۇرمەتىنە ءوزارا باج سالىعى» دەپ اتاپ، ۆاليۋتالىق مانيپۋلياتسيالار مەن ساۋدا كەدەرگىلەرىنە بايلانىستى اقش-تىڭ جاۋاپتى ارەكەتى رەتىندە سيپاتتادى.

اقش-تىڭ جاڭا تاريفتەرى قازاقستاندىق مەتالل، اۋىل شارۋاشىلىعى ونىمدەرى جانە باسقا دا تاۋارلار ەكسپورتىنا ايتارلىقتاي اسەر ەتۋى مۇمكىن. 2024 جىلدىڭ قورىتىندىسى بويىنشا قازاقستان اقش-قا 1,97 ملرد دوللار كولەمىندە تاۋار ەكسپورتتاپ، ونجىلدىقتاعى رەكوردتىق كورسەتكىشكە جەتكەن.

قازاقستاننان اقش-قا ەكسپورتتالاتىن نەگىزگى ونىمدەر – مۇناي، ۋران (2023 جىلمەن سالىستىرعاندا بەس ەسە وسكەن), فەرروقورىتپا جانە كۇمىس. ۇلتتىق ستاتيستيكا بيۋروسىنىڭ مالىمەتىنشە، اقش قازاقستاننىڭ جالپى ەكسپورت قۇرىلىمىندا 2,4% ۇلەسكە يە.

وتكەن جىلى قازاقستاننىڭ نەگىزگى ەكسپورتتىق باعىتتارى: يتاليا (22,9%), قىتاي (18,3%), رەسەي (11,7%), نيدەرلاندى (6,5%), فرانتسيا (4,5%) جانە تۇركيا (4,1%). ال اقش قازاقستان ءۇشىن نەگىزگى يمپورتتىق سەرىكتەستەردىڭ ءبىرى بولىپ تابىلادى.

اقش اكىمشىلىگى قازاقستانعا قاتىستى بۇل شەشىمدى ەگجەي-تەگجەيلى تۇسىندىرمەدى. ساراپشىلاردىڭ پىكىرىنشە، جاڭا تاريفتەر قازاقستاندىق جەتكىزۋشىلەر ءۇشىن قوسىمشا شىعىندارعا اكەلىپ، اقش نارىعىنداعى باسەكەلەستىككە كەرى اسەرىن تيگىزۋى مۇمكىن.

Реклама
  • ИП Попов А.П.
  • ИНН: 602715631406
Видео: малютка и бабуля обсуждают жизнь — умора
Реклама
  • ИП Попов А.П.
  • ИНН: 602715631406
Природный чистильщик сосудов! Уже утром давление будет 120/80!
Реклама
  • ИП Попов А.П.
  • ИНН: 602715631406
Не смейте выбрасывать зажимы от хлебных упаковок: они бесценны
پىكىرلەر