ەكس-پرەزيدەنت نۇرسۇلتان نازارباەۆتىڭ كۇيەۋبالاسى تيمۋر قۇلىباەۆتىڭ اتىراۋ وبلىسىنداعى «كاسپي نەفت» كومپانياسىنا 13,6 ملرد تەڭگە ايىپپۇل سالىندى. بۇل تۋرالى وبلىس پروكۋراتۋراسى مالىمدەدى، دەپ حابارلايدى “ادىرنا” ۇلتتىق پورتالى.
«اق-نىڭ 2021-2022 جىلدارى بۇرعىلاۋ جانە كەن ورنىن پايدالانۋ قىزمەتىندە قۇرالعان 4500 توننادان استام قاۋىپتى قالدىقتارعا جيناقتالۋ ءليميتىن الماعانى انىقتالدى. پروكۋروردىڭ ۇسىنىسىن قاراۋ ناتيجەسى بويىنشا اتىراۋ وبلىستىق سوتىنىڭ سوت القاسىنىڭ 02.07.2024 جىلعى قاۋلىسىمەن «كاسپي نەفت» اق اكىمشىلىك قۇقىق بۇزۋشىلىق تۋرالى كودەكستىڭ 328-بابىمەن اكىمشىلىك جاۋاپكەرشىلىككە تارتىلىپ، 13 684 868 730 تەڭگە ايىپپۇل سالىندى»، - دەلىنگەن اقپاراتتا.
ايىپپۇل بيۋدجەتكە ءوندىرىلىپ، ۇلتتىق قور 13 684 868 730 تەڭگەگە تولىقتى.
«كاسپي مۇناي» اق-نىڭ 100% اكتسياسىنىڭ يەسى – تيمۋر قۇلىباەۆ. كومپانيا اتىراۋ وبلىسى ايرانكول كەن ورنىندا مۇنايدى بارلاۋمەن، وندىرۋمەن اينالىسادى.
