ءماجىلىس دەپۋتاتى ازامات ابىلداەۆ “ازاتتىق راديوسىنا” بەرگەن سۇحباتىندا رەسەي پرەزيدەنتىن قولدايتىنىن اشىق ايتتى، دەپ حابارلايدى “ادىرنا” ۇلتتىق پورتالى.
سونداي-اق، ول ۋكراينا مەن رەسەي اراسىنداعى سوعىستى “ارنايى وپەراتسيا” دەپ اتادى.
“مەن رەسەي پرەزيدەنتىن قولدايمىن… وسى جازعا دەيىن زەلەنسكيدىڭ ءوز زالقى ۇستاپ، سوتقا بەرەدى دەپ ويلايمىن. مەن ۋكرايناداعى ارنايى وپەراتسيانى قولدايمىن”، - دەدى ول.
دەپۋتات قازىر ۋكراينانىڭ بيلىگىندە ناتسيستەر وتىر دەپ ويلايدى. ودان بولەك ول ءوزى سياقتى ويلايتىن 2-3 ارىپتەسى بار ەكەنىن دە جاسىرمادى.
ايتا كەتەيىك، ازامات ابىلداەۆ وپپوزيتسيالىق “اق جول” پارتياسىنىڭ مۇشەسى.
رەسەيشىل دەپۋتات تۋرالى ازاتتىقتىڭ جۋرناليستەرى پارتيا توراعاسى، دەپۋتات ازات پەرۋاشەۆتەن سۇرادى.
“مەن بۇل تۋرالى بىلمەيمىن. ول ونىڭ جەكە پىكىرى. ءبىزدىڭ پارتيا سوعىستى قولدامايدى”،- دەدى ازات پەرۋاشەۆ.
