قىرعىزستاندا مەملەكەتكە تيەسىلى مۇلىكتى زاڭسىز يەلەنگەندەردىڭ ءتىزىمى جاسالدى، دەپ حابارلايدى "ادىرنا" ۇلتتىق پورتالى جەرگىلىكتى باق-قا سىلتەپ.
ۇرلانعان اكتيۆتەردىڭ شامامەن 70 پايىزى مەملەكەت مەنشىگىنە قايتارىلعانىن قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتىنىڭ توراعاسى كامشىبەك تاشيەۆ مالىمدەدى.
توراعا ايتۋىنشا، مەملەكەتتىك مۇلىكتى تالان-تاراجعا سالۋ بىرنەشە كەزەڭدە جۇزەگە اسقان. العاشىندا ەلدىڭ ينفراقۇرىلىمى مەن ءوندىرىس ورىندارى جەكەشەلەندىرۋ سىلتاۋىمەن ءتۇرلى تۇلعالارعا دەرلىك تەگىن بەرىلگەن.
«زاۆودتار، فابريكالار، اۆتوبازالار، جەر تەلىمدەرى – مۇنىڭ ءبارى حالىق يگىلىگى ءۇشىن ەمەس، جەكە بايۋ ماقساتىندا قولعا ءوتتى. وسىلايشا ەلدە حالىق ەسەبىنەن بايىعان جاڭا توپ پايدا بولدى، ال مەملەكەت پەن ميلليونداعان ازامات كەدەيلەندى. مىسالى، قۇرىلىسقا 100 سوم بولىنسە، سونىڭ 50–60-ى جەكە قالتاعا تۇسەتىن. سونىڭ سالدارىنان جاڭا نىساندار دا، دامۋ دا بولمادى»، – دەپ اتاپ ءوتتى ول.
باق مالىمەتىنشە، قىرعىزستان بيلىگى پرەزيدەنت سادىر جاپاروۆتىڭ تاپسىرماسىمەن ۇرلانعان مۇلىكتى قايتارىپ، حالىق بايلىعىن قالپىنا كەلتىرۋ باعىتىندا جۇمىس جۇرگىزىپ جاتىر.
ۇلتتىق قاۋىپسىزدىك كوميتەتى ۋكراينا جەرىندە ۇرىسقا قاتىسقان قازاقستاندىقتارعا قاتىستى تەرگەۋ باستادى
