ءبارىمىز ءدىن دەيمىز، ناماز وقيمىز، جۇرت قاپتاپ مەشىتكە بارادى، ال ونىڭ ىشىندەگى ساناسى قانداي، ونى ەشكىم بىلمەيدى. بۇل جونىندە مەملەكەت باسشىسى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى بويىنشا قازاق تىلىنە اۋدارىلعان 18 كىتاپتىڭ سالتاناتتى تۇساۋكەسەر شاراسىندا مالىمدەدى، دەپ حابارلايدى Baq.kz ءتىلشىسى.
«مەن بىزدە قازىر تولىق اعىلشىن تىلىندە جۇمىس جاسايتىن ۋنيۆەرسيتەتتەر، مەكتەپتەر بار ەكەنىن بىلەمىن. ولار بالكىم اعىلشىن تىلىندە جارىق كورگەن بۇل كىتاپتاردى وقيتىن شىعار. بىراق، بىزدەگى ستۋدەنتتەر مەن وقۋشىلار، جالپى قوعام ول وقۋلىقتاردى وقىپ وتىرعان جوق جانە ول بىلىمنەن شەتتە قالىپ قويدى. ال، ەگەر ولار شەتتە قالىپ قويسا، وندا ءبىز دامىعان 30 ەلدىڭ قاتارىنا قالاي كىرمەكپىز؟ مەن بىزدەگى باستى دىندەر، ياعني، يۋدايزم، حريستياندىق، مۇسىلمان دىندەرى تۋرالى كىتاپتاردى پاراقتاعان كەزىمدە ءتۇسىندىم، ەگەر، ءبىزدىڭ مولدالارىمىز سونىڭ بارلىعىن بىلسە، اناۋ تەرروريستەرگە دە، ەكسترەميستەرگە دە جاۋاپ بەرەر ەدى. قايدان شىعىپ كەلە جاتقانىن ايتار ەدى. بىلمەيدى ول. قۇراندى وقىتادى. ءدىني قىزمەتكەرلەر ءوز ميسسيالارىن جوعارى دەڭگەيدە ورىنداۋ ءۇشىن ولار ءدىن تاريحىن بىلۋلەرى كەرەك، جاراتۋشىسى ءبىر، جولدار ءارتۇرلى ەكەنىن تۇسىنۋلەرى كەرەك»، - دەدى پرەزيدەنت.
________________________________________________________________________Baq.kz
ۇقساس جاڭالىقتار
