قاراعاندى وبلىسىندا «اشىق پوليتسيا» باعدارلاماسى اياسىندا تۇرعىنداردىڭ كيبەرقاۋىپسىزدىگىن ارتتىرۋعا باعىتتالعان رەسپۋبليكالىق دەڭگەيدەگى پروفيلاكتيكالىق ءىس-شارا ءوتتى. ءىس-شارانى قاراعاندى وبلىسىنىڭ اكىمدىگى قاراعاندى قالاسىنىڭ قازىبەك بي اۋدانى پروكۋراتۋراسىمەن جانە قاراعاندى قالاسى پوليتسيا باسقارماسىنىڭ كيبەرقىلمىسقا قارسى ءىس-قيمىل بولىمىمەن بىرلەسىپ ۇيىمداستىردى.
باستى ماقسات – حالىقتىڭ قۇقىقتىق ساۋاتتىلىعىن ارتتىرۋ، ينتەرنەت-الاياقتىقتىڭ الدىن الۋ جانە ازاماتتاردىڭ تسيفرلىق ورتاداعى قاۋىپسىزدىگىن قامتاماسىز ەتۋ.
ءىس-شاراعا مەملەكەتتىك ورگانداردىڭ وكىلدەرى، قۇقىق قورعاۋ جانە كيبەرقاۋىپسىزدىك سالاسىنىڭ ماماندارى قاتىستى. كەزدەسۋ بارىسىندا ينتەرنەت-الاياقتاردىڭ ءجيى قولداناتىن سحەمالارى، الەۋمەتتىك ينجەنەريا تاسىلدەرى، جەكە دەرەكتەردى قورعاۋ جولدارى، سونداي-اق الەۋمەتتىك جەلىلەردى، ءموبيلدى قوسىمشالار مەن ونلاين-بانكينگ سەرۆيستەرىن قاۋىپسىز پايدالانۋ ادىستەرى كەڭىنەن ءتۇسىندىرىلدى.
قاراعاندى قالاسى قازىبەك بي اۋدانى پروكۋراتۋراسى ءبولىمىنىڭ پروكۋرورى گۇلسارا سەرىكقىزى كەرىمجانوۆا قازىرگى تاڭدا اقپاراتتىق تەحنولوگيالار سالاسىنداعى قۇقىق بۇزۋشىلىقتاردىڭ الدىن الۋدىڭ ماڭىزى ارتىپ وتىرعانىن اتاپ ءوتتى.
– قوعامنىڭ تسيفرلانۋى جاعدايىندا ءبىزدىڭ مىندەتىمىز – تەك قۇقىق بۇزۋشىلىقتارعا ارەكەت ەتۋ عانا ەمەس، ازاماتتاردىڭ قۇقىقتىق ساۋاتتىلىعىن ارتتىرۋ ارقىلى ولاردىڭ الدىن الۋ، – دەدى ول.
ال قاراعاندى قالاسى پوليتسيا باسقارماسىنىڭ كيبەرقىلمىسقا قارسى ءىس-قيمىل ءبولىمىنىڭ باسشىسى ميحايل يۋرەۆيچ كالاشيدي كيبەرقىلمىستاردىڭ كۇردەلەنە تۇسكەنىن ايتىپ، تۇرعىنداردى دەربەس مالىمەتتەرىن قورعاۋعا جانە كۇماندى ارەكەتتەردى دەر كەزىندە انىقتاۋعا شاقىردى.
ءوڭىر اكىمدىگى وكىلدەرىنىڭ ايتۋىنشا، حالىقتىڭ تسيفرلىق ساۋاتتىلىعىن ارتتىرۋ – مەملەكەتتىك ساياساتتىڭ ماڭىزدى باعىتتارىنىڭ ءبىرى. بۇل ءوز كەزەگىندە قوعامدىق قاۋىپسىزدىك دەڭگەيىنە تىكەلەي اسەر ەتەدى.
شارا قورىتىندىسىندا مەملەكەتتىك ورگانداردىڭ بىرلەسكەن پروفيلاكتيكالىق جۇمىسى كيبەرقىلمىستار تاۋەكەلىن تومەندەتۋگە جانە ازاماتتاردىڭ تسيفرلىق كەڭىستىكتە قاۋىپسىز مىنەز-قۇلىق داعدىلارىن قالىپتاستىرۋعا ىقپال ەتەتىنى ايتىلدى.
