قازاقستان رەسپۋبليكاسى ءىىم ۇلتتىق ۇلانىنىڭ 5516 اسكەري ءبولىمىنىڭ اسكەري قىزمەتشىلەرى كولىك قاعىپ كەتكەن 10 جاستاعى جاسوسپىرىمگە كومەكتەستى.
قوعامدىق ءتارتىپتى قامتاماسىز ەتۋ بارىسىندا اسكەري جاساق قۇرامىنداعى جاساق باستىعى قاتارداعى كيريلل زايتسەۆ، سونداي-اق قاتارداعى پاترۋلدەر ميراس ۆالەەۆ پەن دانيل بىكوۆ اباي كوشەسىندە بولعان جول-كولىك وقيعاسىنىڭ كۋاسى بولدى. كولىك 10 جاستاعى بالانى قاعىپ كەتكەن. وقيعانى كورگەن اسكەري قىزمەتشىلەر دەرەۋ ارەكەت ەتىپ، زارداپ شەككەنگە بالاعا العاشقى مەديتسينالىق كومەك كورسەتتى.
ۇلاندىقتار جەدەل جاردەم كولىگىن شاقىرىپ، بالانى دارىگەرلەرگە تاپسىردى. سونىمەن بىرگە، ولار زارداپ شەككەن بالانىڭ اتا-اناسىن تاۋىپ، بولعان جايتتى حابارلادى. دارىگەرلەر كەلگەنگە دەيىن وقيعا ورنىن قورشاپ، قاۋىپسىزدىكتى قامتاماسىز ەتتى.
ءجاسوسپىرىم اۋرۋحاناعا جەتكىزىلدى. دارىگەرلەردىڭ ايتۋىنشا، ونىڭ ومىرىنە ەشقانداي قاۋىپ جوق.
بۇل جەدەلدىك پەن جاۋاپكەرشىلىك ۇلتتىق ۇلان اسكەري قىزمەتشىلەرىنىڭ قوعامدىق ءتارتىپتى قورعاۋعا جانە ادام ءومىرىن قۇتقارۋعا ارقاشان دايىن ەكەنىن دالەلدەيدى.
