قاراعاندى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ، «ارداگەر» اۋعان سوعىسى ارداگەرلەرى مەن مۇگەدەكتەرى قوعامدىق بىرلەستىگىنىڭ ۇيىمداستىرۋىمەن قاراعاندى وبلىسىندا العاش رەت اۋعان سوعىسىنىڭ 94 ارداگەرى تەگىن شيپجاي-كۋرورتتىق ەمدەلۋدەن وتەدى. مۇنداي شەشىم قاراعاندى وبلىستىق ءماسليحاتىنىڭ وتىرىسىندا قابىلداندى.
«ساۋىقتىرۋ مۇمكىندىگى – اۋعانستاننان اسكەرلەردىڭ شىعارىلۋىنىڭ 35 جىلدىعىنا ارنالعان تاماشا سىيلىق. اۋعان ارداگەرلەرى جىلىنا كەمىندە ءبىر رەت شيپاجاي-كۋرورتتىق ەم قابىلداۋى كەرەك. بىزگە نازار اۋدارىلىپ جاتقانىنا ريزامىز. ارداگەرلەرىمىزدىڭ ەكىنشى پارتياسى ەمدەلۋدەن ورالادى. ءبىز جەرگىلىكتى اتقارۋشى ورگاندارمەن ودان ءارى جەمىستى ىنتىماقتاستىققا ۇمىتتەنەمىز»، – دەدى «ارداگەر» اۋعان سوعىسى ارداگەرلەرى مەن مۇگەدەكتەرى قوعامدىق بىرلەستىگىنىڭ توراعاسى تالعات حاسەنوۆ.
ارداگەرلەر تۇركىستان وبلىسىنداعى «اقسۋ دەمى» قاراعاندى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءباسپاسوز قىزمەتىنىڭ اقپاراتى بويىنشا شيپاجايىندا ساۋىقتىرۋدان وتۋدە. كۋرس 14 كۇندى قۇرايدى. ارداگەرلەرگە كەلەسى جىلى تەگىن شيپاجاي-كۋرورتتىق ەم بەرۋ جوسپارلانۋدا.
شيپاجايعا جولداما الۋ ءۇشىن ارداگەرلەر تۇرعىلىقتى جەرى بويىنشا جۇمىسپەن قامتۋ جانە الەۋمەتتىك باعدارلامالار بولىمدەرىنە جۇگىنۋى قاجەت.
«ادىرنا» ۇلتتىق پورتالى
