Qaraǧandy oblysynda «Aşyq polisiia» baǧdarlamasy aiasynda tūrǧyndardyŋ kiberqauıpsızdıgın arttyruǧa baǧyttalǧan respublikalyq deŋgeidegı profilaktikalyq ıs-şara öttı. Is-şarany Qaraǧandy oblysynyŋ äkımdıgı Qaraǧandy qalasynyŋ Qazybek bi audany prokuraturasymen jäne Qaraǧandy qalasy polisiia basqarmasynyŋ kiberqylmysqa qarsy ıs-qimyl bölımımen bırlesıp ūiymdastyrdy.
Basty maqsat – halyqtyŋ qūqyqtyq sauattylyǧyn arttyru, internet-alaiaqtyqtyŋ aldyn alu jäne azamattardyŋ sifrlyq ortadaǧy qauıpsızdıgın qamtamasyz etu.
Is-şaraǧa memlekettık organdardyŋ ökılderı, qūqyq qorǧau jäne kiberqauıpsızdık salasynyŋ mamandary qatysty. Kezdesu barysynda internet-alaiaqtardyŋ jiı qoldanatyn shemalary, äleumettık injeneriia täsılderı, jeke derekterdı qorǧau joldary, sondai-aq äleumettık jelılerdı, mobildı qosymşalar men onlain-banking servisterın qauıpsız paidalanu ädısterı keŋınen tüsındırıldı.
Qaraǧandy qalasy Qazybek bi audany prokuraturasy bölımınıŋ prokurory Gülsara Serıkqyzy Kerımjanova qazırgı taŋda aqparattyq tehnologiialar salasyndaǧy qūqyq būzuşylyqtardyŋ aldyn aludyŋ maŋyzy artyp otyrǧanyn atap öttı.
– Qoǧamnyŋ sifrlanuy jaǧdaiynda bızdıŋ mındetımız – tek qūqyq būzuşylyqtarǧa äreket etu ǧana emes, azamattardyŋ qūqyqtyq sauattylyǧyn arttyru arqyly olardyŋ aldyn alu, – dedı ol.
Al Qaraǧandy qalasy polisiia basqarmasynyŋ kiberqylmysqa qarsy ıs-qimyl bölımınıŋ basşysy Mihail Iýrevich Kalaşidi kiberqylmystardyŋ kürdelene tüskenın aityp, tūrǧyndardy derbes mälımetterın qorǧauǧa jäne kümändı äreketterdı der kezınde anyqtauǧa şaqyrdy.
Öŋır äkımdıgı ökılderınıŋ aituynşa, halyqtyŋ sifrlyq sauattylyǧyn arttyru – memlekettık saiasattyŋ maŋyzdy baǧyttarynyŋ bırı. Būl öz kezegınde qoǧamdyq qauıpsızdık deŋgeiıne tıkelei äser etedı.
Şara qorytyndysynda memlekettık organdardyŋ bırlesken profilaktikalyq jūmysy kiberqylmystar täuekelın tömendetuge jäne azamattardyŋ sifrlyq keŋıstıkte qauıpsız mınez-qūlyq daǧdylaryn qalyptastyruǧa yqpal etetını aityldy.
