استانادا ءتورت جاستاعى ءبۇلدىرشىن تەرەزەدەن قۇلاپ قازا تاپتى. بۇل تۋرالى ەلوردا پوليتسياسى جازدى، دەپ حابارلايدى "ادىرنا".
وقيعا سارايشىق كوشەسىندەگى 7/1 مەكەنجايىندا بولعان. مالىمەتكە سايكەس، ءتورت جاسار بالا ەكىنشى قاباتتىڭ تەرەزەسىنەن قۇلاپ كەتكەن.
پوليتسيانىڭ مالىمەتىنشە، ءبۇلدىرشىن العان اۋىر جاراقاتىنان وقيعا ورنىندا كوز جۇمعان.
«بالانىڭ تەرەزەدەن قۇلاۋ دەرەگى بويىنشا قىلمىستىق ءىس قوزعالدى. قازىر وقيعانىڭ بارلىق ءمان-جايى انىقتالىپ جاتىر»، – دەپ مالىمدەدى قالالىق پوليتسيا دەپارتامەنتى.
وسىعان ۇقساس قايعىلى جاعداي ەكى كۇن بۇرىن دا استانادا بولعان. ول كەزدە تاعى ءبىر ءتورت جاستاعى قىز جەتىنشى قاباتتىڭ تەرەزەسىنەن موسكيت تورىمەن بىرگە قۇلاپ، كوز جۇمعان بولاتىن.
قۇتقارۋشىلار مەن دارىگەرلەر موسكيت تورى بالالارعا تىرەك بولا المايتىنىن ۇنەمى ەسكەرتىپ كەلەدى. مامانداردىڭ ايتۋىنشا، ول جالعان قاۋىپسىزدىك سەزىمىن عانا قالىپتاستىرادى.
