ەلىمىزدە جىل باسىنان بەرى 14 بالا تەرەزەدەن قۇلاپ كەتتى، دەپ حابارلايدى "ادىرنا" ۇلتتىق پورتالى.
بۇل دەرەكتى بالا قۇقىقتارىن قورعاۋ كوميتەتىنىڭ باسشىسى ناسىمجان وسپانوۆا مالىمدەدى.
ء"بىز سىزدەن تەرەزەگە ارنايى بۇعاتتاعىش ورناتۋدى سۇرايمىز. قاراپايىم ەرەجەلەردى ورىنداۋ بالانىڭ تەرەزەدەن ءتۇسۋىنىڭ الدىن الۋعا، ونىڭ دەنساۋلىعى مەن ءومىرىن ساقتاۋعا كومەكتەسەدى. ءۇيىڭىزدىڭ تەرەزەلەرى سەنىمدى جابىلعانىنا جانە بالانىڭ قولى جەتپەيتىنىنە كوز جەتكىزىڭىز. سونداي-اق، بالاڭىزدى ەشقاشان قاراۋسىز قالدىرماڭىز. ءبىر ساتتىك نەمقۇرايلىق ۇلكەن قاسىرەتكە اينالۋى مۇمكىن. بالالارىمىزدىڭ قۋانىشتى كۇلكىسى مەن الاڭسىز بالالىق شاعى ءۇشىن اسا مۇقيات جانە قىراعى بولۋىمىز كەرەك. اتا-انالار، بالالارىڭىزعا قامقور بولىڭىزدار! ءار بالا باقىتتى جانە قاۋىپسىز بالالىق شاققا لايىق ەكەنىن ەستە ۇستاعان ءجون", - دەپ ەسكە سالادى ناسىمجان وسپانوۆا.
ول بۇل ستاتيستيكانىڭ جىل سايىن ءوسىپ جاتقانىن اتاپ ءوتتى.
