قازاقستاننىڭ ىشكى ىستەر مينيسترلىگىنىڭ ينتەرپولى شەتەلگە جۇمىسقا بارعان وتانداسىمىزدى ەڭبەك قۇلدىعىنان قۇتقارىپ قالدى. بۇل تۋرالى رolisia.kz جازدى، دەپ حابارلايدى "ادىرنا".
قازاقستاندىق قىز كامبودجا كورولدىگىنە قوناقۇي اكىمشىسى بولىپ جۇمىسقا ورنالاسۋ ءۇشىن ۇشىپ بارعان. الايدا شەت ەلگە كەلگەننەن كەيىن بۇل ۇسىنىستىڭ ارتىندا باسقا نارسە تۇرعانىن بىلگەن. ونى شەتەلدىكتەر ەڭبەك قۇلدىعىنا سالماق بولعان.
“قازاقستان ىشكى ىستەر مينيسترلىگىنىڭ ينتەرپولى كامبودجاداعى ينتەرپولدىڭ ۇلتتىق ورتالىق بيۋروسىنا جانە ينتەرپول باس حاتشىلىعىنىڭ ادام ساۋداسىنا قارسى كۇرەس توبىنا رەسمي سۇرانىستار جولدادى. شەتەلدىك ارىپتەستەرمەن ۇيلەسىمدى ارەكەت پەن جەدەل بايلانىس ناتيجەسىندە قىز دەر كەزىندە قۇتقارىلىپ، امان-ەسەن ەلگە ورالدى”، – دەلىنگەن حابارلامادا.
قازىر قازاقستاندىقتى شەتەلگە جۇمىسقا ورنالاسۋدى ۇسىنىپ، الداپ، زاڭسىز ەڭبەككە تارتۋعا ارەكەتتەنگەن ادامداردى انىقتاپ جاتىر. ولار زاڭدا بەلگىلەنگەن تارتىپپەن جاۋاپكەرشىلىككە تارتىلادى.
