كوكشەتاۋدا مەكتەپ اۋلاسىندا اسىلىپ قالعان بويجەتكەننىڭ دەنەسى تابىلدى. بۇل تۋرالى اقمولا وبلىستىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
20 شىلدە كۇنى ساعات 9:50-دە اۋەلبەكوۆ كوشەسى 177 مەكەنجايى بويىنشا ورنالاسقان №16 ورتا مەكتەپ اۋماعىندا اسىلىپ تۇرعان قىزدىڭ دەنەسى تابىلعاندىعى تۋرالى اقپارات 102 جەلىسىنە تەلەفون ارقىلى حابارلانعان.
«شاقىرۋ ورنىنا كوكشەتاۋ قالالىق پب جەدەل-تەرگەۋ توبى باعىتتالدى. اسىلىپ قالعان بويجەتكەننىڭ كوكشەتاۋ قالاسىنىڭ 18 جاستاعى تۇرعىنى ەكەنى انىقتالدى. وسى دەرەككە بايلانىستى قىلمىستىق كودەكستىڭ 105-بابى 1-بولىگى «ءوزىن ءوزى ولتىرۋگە جەتكىزۋ» بويىنشا سوتقا دەيىنگى ءىس قولعا الىنىپ، ساراپتاما تاعايىندالدى. وقيعانىڭ سەبەپتەرى مەن ءمان-جايلارى انىقتالۋ ۇستىندە»،— دەپ ءتۇسىندىردى پد ءباسپاسوز قىزمەتىنىڭ جەتەكشىسى گۇلنار پينچۋك.
