اقمولا وبلىسى اۋماعىندا «تازا قازاقستان» رەسپۋبليكالىق ەكولوگيالىق باستاماسى اياسىندا تابيعي باستاۋ كوزدەرىن قورعاۋ مەن اباتتاندىرۋعا باعىتتالعان ء«مولدىر بۇلاق» ەكولوگيالىق اكتسياسى ۇيىمداستىرىلدى. يگى باستاما ءوڭىردىڭ ءتورت اۋدانىن قامتىپ، تۇرعىنداردى ورتاق ەكولوگيالىق جاۋاپكەرشىلىككە جۇمىلدىردى.
زەرەندى اۋدانىنىڭ بايتەرەك اۋىلدىق وكرۋگىندە وتكەن اكتسياعا اۋدان اكىمىنىڭ ورىنباسارى سەرىك يساحانوۆ، بيلەر جانە وبلىستىق ارداگەرلەر مەن انالار كەڭەسىنىڭ وكىلدەرى، مەملەكەتتىك قىزمەتشىلەر، جاستار مەن اۋىل تۇرعىندارى قاتىستى. قاتىسۋشىلار بۇلاق ماڭىن قوقىستان تازارتىپ، اباتتاندىرۋ جۇمىستارىن جۇرگىزدى.
سەرىك يساحانوۆ مەملەكەت باسشىسىنىڭ «تازا قازاقستان – ءبىر رەتتىك ناۋقان ەمەس، ول ءار ازاماتتىڭ ءومىر سالتىنا اينالۋى ءتيىس» دەگەن ءسوزىن اتاپ ءوتىپ، اۋدان كولەمىندە بۇل باعىتتاعى جۇمىستاردىڭ جۇيەلى تۇردە جالعاسىپ كەلە جاتقانىن جەتكىزدى.
بۋراباي اۋدانىندا ء«مولدىر بۇلاق» اكتسياسى ەكى تابيعي باستاۋ كوزىندە ءوتىپ، كوللەدج ستۋدەنتتەرى، مەكتەپ وقۋشىلارى، جاستار ۇيىمدارىنىڭ وكىلدەرى، ەرىكتىلەر مەن مەكەمە قىزمەتكەرلەرىن بىرىكتىردى. قاتىسۋشىلار بۇلاق ماڭىن قوقىس پەن قۇرعاق شوپتەن تازارتىپ، سانيتارلىق تازالىق جۇمىستارىن جۇرگىزدى. بۇلاق كوزدەرى اۋداننىڭ تابيعي بايلىعى عانا ەمەس، ەكولوگيالىق تەپە-تەڭدىكتىڭ ماڭىزدى بولىگى ەكەنى اتاپ ءوتىلدى.
ۇيىمداستىرۋشىلاردىڭ ايتۋىنشا، مۇنداي ەكولوگيالىق شارالار جاستاردىڭ تابيعاتقا دەگەن قۇرمەتىن ارتتىرىپ، ەكولوگيالىق سانانى نىعايتۋعا ىقپال ەتەدى.
بۋراباي اۋدانى اكىمىنىڭ ورىنباسارى ەرجان حالباەۆ 2026 جىلى اۋدان اۋماعىندا «تازا قازاقستان» اياسىندا بىرقاتار اۋقىمدى ەكولوگيالىق ءىس-شارالار وتكىزىلگەنىن، سەنبىلىكتەرگە 10 مىڭنان استام ادام قاتىسىپ، جۇزدەگەن توننا قالدىق شىعارىلعانىن اتاپ ءوتتى.
تسەلينوگراد اۋدانىنىڭ سوفيەۆ اۋىلدىق وكرۋگىندە دە اكتسيا ۇيىمداستىرىلدى. وعان اۋىل اكىمى، تۇرعىندار، جاستار جانە «الاش» جاستار فۋتبول كلۋبىنىڭ وكىلدەرى قاتىستى. بۇلاق ماڭى تازارتىلىپ، اۋماعى رەتكە كەلتىرىلدى.
اۋىلدىق وكرۋگ اكىمى بەكزات سۇگىراليەۆ تابيعاتتى قورعاۋ – بارشاعا ورتاق مىندەت ەكەنىن ايتىپ، بۇلاق كوزدەرىن ساقتاۋ كەلەر ۇرپاق الدىنداعى جاۋاپكەرشىلىك ەكەنىن اتاپ ءوتتى.
ەرەيمەنتاۋ اۋدانىندا تەمىر بۇلاق اۋماعىندا جالپىقالالىق سەنبىلىك ءوتتى. وعان 200-دەن استام ادام، سونىڭ ىشىندە مەملەكەتتىك قىزمەتشىلەر، مادەنيەت سالاسىنىڭ وكىلدەرى، زەينەتكەرلەر جانە «جاسىل ەل» جاساعىنىڭ ساربازدارى قاتىستى.
اۋدان اكىمى نۇرلان مۇقاتوۆ تەمىر بۇلاقتىڭ تۇرعىندار باستاماسىمەن اباتتاندىرىلىپ، حالىقتىق دەمالىس ورنىنا اينالعانىن اتاپ ءوتىپ، تابيعاتتى قورعاۋ باعىتىنداعى جۇمىستاردىڭ ماڭىزدىلىعىنا توقتالدى. سەنبىلىك بارىسىندا بۇلاق اۋماعىندا تازالىق جانە اباتتاندىرۋ جۇمىستارى جۇرگىزىلدى.
ء«مولدىر بۇلاق» اكتسياسى قورشاعان ورتانى قورعاۋعا باعىتتالعان يگى باستامالاردىڭ بىرىنە اينالىپ، تابيعاتقا دەگەن جاناشىرلىق پەن ازاماتتىق جاۋاپكەرشىلىكتىڭ جارقىن كورىنىسىن كورسەتتى.
