Aqmola oblysy aumaǧynda «Taza Qazaqstan» respublikalyq ekologiialyq bastamasy aiasynda tabiǧi bastau közderın qorǧau men abattandyruǧa baǧyttalǧan «Möldır būlaq» ekologiialyq aksiiasy ūiymdastyryldy. İgı bastama öŋırdıŋ tört audanyn qamtyp, tūrǧyndardy ortaq ekologiialyq jauapkerşılıkke jūmyldyrdy.
Zerendı audanynyŋ Bäiterek auyldyq okrugınde ötken aksiiaǧa audan äkımınıŋ orynbasary Serık İsahanov, Biler jäne oblystyq Ardagerler men Analar keŋesınıŋ ökılderı, memlekettık qyzmetşıler, jastar men auyl tūrǧyndary qatysty. Qatysuşylar būlaq maŋyn qoqystan tazartyp, abattandyru jūmystaryn jürgızdı.
Serık İsahanov Memleket basşysynyŋ «Taza Qazaqstan – bır rettık nauqan emes, ol är azamattyŋ ömır saltyna ainaluy tiıs» degen sözın atap ötıp, audan kölemınde būl baǧyttaǧy jūmystardyŋ jüielı türde jalǧasyp kele jatqanyn jetkızdı.
Burabai audanynda «Möldır būlaq» aksiiasy ekı tabiǧi bastau közınde ötıp, kolledj studentterı, mektep oquşylary, jastar ūiymdarynyŋ ökılderı, erıktıler men mekeme qyzmetkerlerın bırıktırdı. Qatysuşylar būlaq maŋyn qoqys pen qūrǧaq şöpten tazartyp, sanitarlyq tazalyq jūmystaryn jürgızdı. Būlaq közderı audannyŋ tabiǧi bailyǧy ǧana emes, ekologiialyq tepe-teŋdıktıŋ maŋyzdy bölıgı ekenı atap ötıldı.
Ūiymdastyruşylardyŋ aituynşa, mūndai ekologiialyq şaralar jastardyŋ tabiǧatqa degen qūrmetın arttyryp, ekologiialyq sanany nyǧaituǧa yqpal etedı.
Burabai audany äkımınıŋ orynbasary Erjan Halbaev 2026 jyly audan aumaǧynda «Taza Qazaqstan» aiasynda bırqatar auqymdy ekologiialyq ıs-şaralar ötkızılgenın, senbılıkterge 10 myŋnan astam adam qatysyp, jüzdegen tonna qaldyq şyǧarylǧanyn atap öttı.
Selinograd audanynyŋ Sofiev auyldyq okrugınde de aksiia ūiymdastyryldy. Oǧan auyl äkımı, tūrǧyndar, jastar jäne «Alaş» jastar futbol klubynyŋ ökılderı qatysty. Būlaq maŋy tazartylyp, aumaǧy retke keltırıldı.
Auyldyq okrug äkımı Bekzat Sügıräliev tabiǧatty qorǧau – barşaǧa ortaq mındet ekenın aityp, būlaq közderın saqtau keler ūrpaq aldyndaǧy jauapkerşılık ekenın atap öttı.
Ereimentau audanynda Temır būlaq aumaǧynda jalpyqalalyq senbılık öttı. Oǧan 200-den astam adam, sonyŋ ışınde memlekettık qyzmetşıler, mädeniet salasynyŋ ökılderı, zeinetkerler jäne «Jasyl el» jasaǧynyŋ sarbazdary qatysty.
Audan äkımı Nūrlan Mūqatov Temır būlaqtyŋ tūrǧyndar bastamasymen abattandyrylyp, halyqtyq demalys ornyna ainalǧanyn atap ötıp, tabiǧatty qorǧau baǧytyndaǧy jūmystardyŋ maŋyzdylyǧyna toqtaldy. Senbılık barysynda būlaq aumaǧynda tazalyq jäne abattandyru jūmystary jürgızıldı.
«Möldır būlaq» aksiiasy qorşaǧan ortany qorǧauǧa baǧyttalǧan igı bastamalardyŋ bırıne ainalyp, tabiǧatqa degen janaşyrlyq pen azamattyq jauapkerşılıktıŋ jarqyn körınısın körsettı.
