شۆەتسيانىڭ استاناسى ستوكگولمدەگى تۇركيا ەلشىلىگىنىڭ الدىندا "قاتاڭ باعىت" پارتياسىنىڭ جەتەكشىسى راسمۋس پولۋدان اكتسيا وتكىزىپ، كوپشىلىك الدىندا قۇراننىڭ كوشىرمەسىن ورتەپ جىبەردى.
ايتا كەتەيىك، اكتسياعا شۆەتسيا بيلىگى رۇقسات بەرگەن، ال پولۋداننىڭ قاۋىپسىزدىگىن جەرگىلىكتى پوليتسيا قىزمەتكەرلەرى قامتاماسىز ەتتى.
اكتسيادا ساياساتكەر ناتو، انگورا جانە تۇرىك پرەزيدەنتى رەجەپ تايىپ ەردوعاندى سىنعا الىپ، مۇحاممەد پايعامباردىڭ كاريكاتۋراسىن كورسەتتى.
بۇل الەم مۇمسىلماندارىنىڭ شامىنا ءتيىپ، اشۋىن تۋدىردى.
"بۇل وقيعا بۇكىل الەمدەگى مۇسىلمانداردىڭ رەنىش سەزىمىن تۋدىرۋى جانە ولار ءۇشىن قاۋىپتى ارانداتۋشىلىق بولۋى مۇمكىن", دەپ كۋۆەيتتىڭ سىرتقى ىستەر ءمينيسترى سالەم ابداللا ءال-دجابەر اس-ساباح ستوكگولمدەگى جاعدايدى ايىپتاپ، قورقاتىنىن ايتتى.
ال كۋۆەي ءسىم-ءى باسۋ ايتتى.
"حالىقارالىق قاۋىمداستىقتى وسىنداي قولايسىز ارەكەتتەردى توقتاتۋ، جەككورۋشىلىك پەن ەكسترەميزمنىڭ بارلىق تۇرلەرىن قابىلداماۋ، كىنالىلەردى جاۋاپقا تارتۋ، ساياسات پەن ءدىندى بايلانىستىرماۋ، ديالوگ، حالىقتار اراسىنداعى تولەرانتتىلىق جانە بەيبىت قۇندىلىقتاردى تاراتۋ بويىنشا ءوز مىندەتتەمەلەرىن ورىنداۋعا شاقىردى",- دەلىنگەن مينيسترلىكتىڭ حابارلاماسىندا.
سالەم ابدۋللا ءال-دجابەر اس-ساباح ستوكگولمنەن كەز كەلگەن ءدىندى قورلاماۋدى تالاپ ەتتى.
سونداي-اق، وسى وقيعادان كەيىن انكارا شۆەتسيا مەملەكەتى قورعانىس مينيسترلىگى جەتەكشىسىنىڭ ساپارىن توقتاتىپ، كەزدەسۋدىڭ ء"مانى جوق" ەكەنىن ايتتى.
