فوتو: اقمولا وبلىسى تجد ءباسپاسوز قىزمەتى
اقمولا وبلىسىنىڭ ستەپنوگورسك قالاسىندا كاسىپورىن اۋماعىندا ەكى قىزمەتتىك ەلەكتروپوەزد ۆاگونى ورتەندى. وقيعا تۇنگى ۋاقىتتا تىركەلگەن، دەپ حابارلايدى "ادىرنا".
«بۇگىن تۇندە ستەپنوگورسك قالاسىنداعى جشس-ءنىڭ بىرىنە تيەسىلى اۋماقتا كاسىپورىن جۇمىسشىلارىن تاسىمالداۋعا ارنالعان ەلەكتروپوەزدىڭ ەكى ۆاگونى ورتەندى. توتەنشە جاعدايلار دەپارتامەنتىنىڭ كۇشتەرى مەن قۇرالدارى وقيعا ورنىنا جەدەل جەتىپ، 150 شارشى مەتر اۋماقتى شارپىعان ءورتتى ءسوندىردى»، - دەپ حابارلادى اقمولا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
ۆەدومستۆونىڭ مالىمەتىنشە، قازا بولعاندار مەن زارداپ شەككەندەر جوق.
ء«ورتتىڭ شىعۋىنا جوعارى ۆولتتى ەلەكتر جەلىسىندەگى قىسقا تۇيىقتالۋ جانە سونىڭ سالدارىنان تۇرعان ۆاگونداردىڭ تۇتانۋى الدىن الا سەبەپ رەتىندە قاراستىرىلۋدا»، - دەپ اتاپ ءوتتى تجد.
