فوتو: sublife.by
مالديۆ ارالدارىندا سۋ استىنداعى ۇڭگىرلەردى زەرتتەۋ كەزىندە بەس يتاليا ازاماتى قازا تاپتى. قايعىلى وقيعا تۋرالى ءمالديۆتىڭ تۋريزم جانە ازاماتتىق اۆياتسيا ءمينيسترى مۇحامەد امين الەۋمەتتىك جەلىدەگى جازباسىندا ءمالىم ەتتى، دەپ حابارلايدى "ادىرنا".
ءمينيستردىڭ ايتۋىنشا، وقيعا ورنىنا جەدەل تۇردە ىزدەستىرۋ-قۇتقارۋ توپتارى جۇمىلدىرىلعان. قۇتقارۋ جۇمىستارىنا تىكۇشاقتار مەن جىلدام جۇرەتىن كاتەرلەر تارتىلعان.
يتاليانىڭ سىرتقى ىستەر مينيسترلىگى دە وقيعانى راستادى.
«مالديۆتەگى ۆااۆۋ اتوللىندا اكۆالانگپەن سۋ استىنا تۇسكەن ەكسكۋرسيا بارىسىندا بەس يتاليا ازاماتى قازا تاپتى. دايۆەرلەر 50 مەتر تەرەڭدىكتەگى ۇڭگىرلەردى زەرتتەۋ كەزىندە قايتىس بولعان»، – دەلىنگەن حابارلامادا.
قازىرگى ۋاقىتتا وقيعانىڭ ناقتى سەبەپتەرى انىقتالىپ جاتىر. جەرگىلىكتى بيلىك پەن قۇتقارۋ قىزمەتتەرى جاعدايعا بايلانىستى قوسىمشا اقپارات بەرەتىن بولادى.
