قاراعاندى قالاسىندا 16 قاباتتى تۇرعىن ۇيدە گاز جارىلدى. قازىر ادامداردى قۇتقارۋ جانە ەۆاكۋاتسيالاۋ ءجۇرىپ جاتىر. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، كەزەكشىلىك بولىمىنە 10 قاڭتار كۇنى ساعات 21:29-دا رەسپۋبليكا داڭعىلى، 18/2 مەكەنجايىندا ءورت بولىپ جاتقانى تۋرالى حابار تۇسكەن. 16 قاباتتى، 127-پاتەرلى تۇرعىن ءۇيدىڭ 8-قاباتىندا جارىلىس بولىپ، ءورت شىققان.
«وقيعا ورنىن تەكسەرۋ بارىسىندا ءۇش ادامنىڭ دەنەسى تابىلعان. بولجام بويىنشا ولار ەكى ەر ادام مەن ءبىر ايەل ەكەنى انىقتالدى. تجد كۇشتەرىنىڭ كومەگىمەن 11 ادام قۇتقارىلدى، ونىڭ ىشىندە 2 بالا بار»، – دەلىنگەن حابارلامادا.
وقيعا ورنىنا تجد 88 قىزمەتكەرى جانە بولىمشەلەرىنىڭ 23 تەحنيكاسى جۇمىلدىرىلدى.تۇرعىنداردى جىلىتۋ ءۇشىن تجد 3 ۆاحتالىق كولىگى تارتىلدى.
ساعات 22.55-دە ءورت وقشاۋلاندى. وبلىس اكىمدىگى ەۆاكۋاتسيالانعان ادامداردى قوناق ۇيلەرگە جەتكىزۋمەن اينالىسىپ جاتىر.
