نوسەر جاڭبىردان 25 ادام قازا تاپتى

3065
Adyrna.kz Telegram

قىتايدىڭ حەنان پروۆينتسياسىندا نوسەر جاڭبىردان قازا تاپقاندار سانى 25-كە جەتتى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ. 

حەنانداعى (ورتالىق قىتاي) نوسەر جاۋىننان كەيىن 25 ادام مەرت بولدى، تاعى 7 ادام ءىز-ءتۇزسىز جوعالىپ كەتكەن.

بۇل جايىندا جەرگىلىكتى بيلىك سارسەنبى كۇنى كەشكىسىن وتكىزگەن ءباسپاسوز ءماسليحاتىندا ءمالىم ەتتى.

«وڭىردە 16 شىلدەدەن بەرى جاڭبىر قۇيىپ تۇر. ودان 1,24 ميلليوننان استام ادام زارداپ شەككەن. پروۆينتسيادا تۇراتىن شامامەن 164 710 ادام قاۋىپسىز جەرگە ەۆاكۋاتسيالاندى»،- دەپ حابارلادى ءباسپاسوز كونفەرەنتسياسىندا حەنان پروۆينتسياسىنىڭ سۋ تاسقىنى جانە قۇرعاقشىلىقپەن كۇرەس جونىندەگى شتابىنىڭ كەڭسە باستىعى سيۋي چجۋن.

ءبىز بۇعان دەيىن قىتايدىڭ چجەنچجوۋ قالاسىندا نوسەر جاڭبىر سالدارىنان كولىك قاتىناسى توقتاپ، ەلەكتر قۋاتىنىڭ جۇمىسى بۇزىلعانىن حابارلاعان بولاتىنبىز.

سۋ دەڭگەيى قاتتى كوتەرىلگەندىكتەن قالاداعى جول قوزعالىسى تەجەلگەن. 80-نەن استام اۆتوبۋس مارشرۋتىنىڭ قوزعالىسى ۋاقىتشا توقتاتىلعان، مەترو دا جۇرمەيدى.

نوسەر سالدارىنان قالانىڭ بىرنەشە اۋدانى سۋسىز جانە ەلەكتر جارىعىنسىز قالدى.

پىكىرلەر