رەسەي پرەزيدەنتى ۆلاديمير پۋتين «ورەشنيك» ورتا قاشىقتىقتاعى زىمىران كەشەنى يادرولىق وقتۇمسىقتارمەن جابدىقتالۋى مۇمكىن ەكەنىن مالىمدەدى، دەپ حابارلايدى "ادىرنا" ۇلتتىق پورتالى انادولىعا سىلتەپ.
بۇل تۋرالى ول رەسەي قارۋلى كۇشتەرى اسكەري قىزمەتكەرلەرىمەن وتكەن كەڭەستە ايتقان.
ءپۋتيننىڭ سوزىنشە، 2025 جىلدان باستاپ «ورەشنيك» زىمىران كەشەنى جاۋىنگەرلىك كەزەكشىلىككە قويىلعان جانە ونىڭ يادرولىق وقتۇمسىقتاردى تاسىمالداۋ مۇمكىندىگى بار.
سونىمەن قاتار پۋتين «سارمات» ستراتەگيالىق زىمىران كەشەنىنىڭ ءساتتى سىناقتارىنان كەيىن اسكەري قىزمەتكەرلەردى قۇتتىقتادى. ونىڭ ايتۋىنشا، بۇل كەشەن جىلدىڭ سوڭىنا دەيىن جاۋىنگەرلىك كەزەكشىلىككە ەنگىزىلەدى.
رەسەي باسشىسى «سارمات» زىمىرانىنىڭ قولدانۋ قاشىقتىعى 35 مىڭ شاقىرىمنان اسۋى مۇمكىن ەكەنىن اتاپ ءوتتى. سونداي-اق ول ەلدە الەمدە بالاماسى جوق جاڭا زىمىران جۇيەلەرى جاسالىپ جاتقانىن ايتتى.
پۋتين رەسەيدىڭ ستراتەگيالىق تەجەۋ كۇشتەرىن جەتىلدىرۋ جۇمىستارى 2000-جىلداردان بەرى ۇزدىكسىز جالعاسىپ كەلە جاتقانىن دا اتاپ ءوتتى.
