فوتو جي كومەگىمەن جاسالدى
رەسەيدىڭ كامچاتكا ولكەسىندەگى سوبولەۆسك وكرۋگىندە ايۋ مۇكجيدەك تەرىپ جۇرگەن ەر ادامعا شابۋىل جاساپ، ونى مەرت قىلدى، دەپ حابارلايدى "ادىرنا" ءتىلشىسى.
بۇل تۋرالى وڭىرلىك اڭشىلىق باقىلاۋ قىزمەتى حابارلادى.
وقيعا ۋستەۆوە اۋىلىنان شامامەن 10 شاقىرىم جەردە بولعان. ءبىر توپ ادام تۋندراعا جيدەك تەرۋ ءۇشىن ەر ادامدى قالدىرعان. ءبىراز ۋاقىتتان كەيىن ول تەلەفون ارقىلى ءبىر شەلەك مۇكجيدەك جيناعانىن ايتقان.
كەيىن ەر ادامعا ايۋ جاقىنداپ، ءوزى جيناعان جيدەكتەردى جەي باستاعان. وسىدان سوڭ ونىمەن بايلانىس ۇزىلگەن.
وقيعا ورنىنا قايتا بارعان ادامدار جىرتقىشتى كورگەن، الايدا ەر ادامدى تاپپاعان. كەيىن ايۋدىڭ وعان شابۋىل جاساپ، مەرت قىلعانى انىقتالعان. جىرتقىش مارقۇمنىڭ دەنەسىن توپىراقپەن كومىپ كەتكەن.
مامانداردىڭ مالىمەتىنشە، ەر ادام تۋندرادا ايۋلار مەكەندەيتىن اۋماقتا جالعىز جۇرگەن.
وقيعادان سوڭ ايۋ اتىلعان.
