Resei prezidentı Vladimir Putin «Oreşnik» orta qaşyqtyqtaǧy zymyran keşenı iadrolyq oqtūmsyqtarmen jabdyqtaluy mümkın ekenın mälımdedı, dep habarlaidy "Adyrna" ūlttyq portaly Anadolyǧa sıltep.
Būl turaly ol Resei qaruly küşterı äskeri qyzmetkerlerımen ötken keŋeste aitqan.
Putinnıŋ sözınşe, 2025 jyldan bastap «Oreşnik» zymyran keşenı jauyngerlık kezekşılıkke qoiylǧan jäne onyŋ iadrolyq oqtūmsyqtardy tasymaldau mümkındıgı bar.
Sonymen qatar Putin «Sarmat» strategiialyq zymyran keşenınıŋ sättı synaqtarynan keiın äskeri qyzmetkerlerdı qūttyqtady. Onyŋ aituynşa, būl keşen jyldyŋ soŋyna deiın jauyngerlık kezekşılıkke engızıledı.
Resei basşysy «Sarmat» zymyranynyŋ qoldanu qaşyqtyǧy 35 myŋ şaqyrymnan asuy mümkın ekenın atap öttı. Sondai-aq ol elde älemde balamasy joq jaŋa zymyran jüielerı jasalyp jatqanyn aitty.
Putin Reseidıŋ strategiialyq tejeu küşterın jetıldıru jūmystary 2000-jyldardan berı üzdıksız jalǧasyp kele jatqanyn da atap öttı.
