قازاقستان پرەزيدەنتتىگىنە ۇمىتكەر سالتانات تۇرسىنبەكوۆا قاسىم-جومارت توقاەۆتى سايلاۋداعى جەڭىسىمەن قۇتتىقتاپ، وعان جان-جاقتى قولداۋ كورسەتەتىنىن مالىمدەدى. بۇل تۋرالى inbusiness.kz حابارلادى، دەپ جازادى "ادىرنا" ۇلتتىق پورتالى.
ء“ار كانديداتتىڭ ءوز جەڭىسى بار. سونىڭ ىشىندە مەنىڭ جەڭىسىم – ايەل-ساياساتكەر مارتەبەسىنە جاڭا دەڭگەي بەرە الدىم، مەنىڭ سايلاۋ الدى باعدارلامامنىڭ ارقاسىندا الالاۋ مەن زورلىق-زومبىلىقتى تۇبىرىمەن جويۋ كۇن تارتىبىنەن تۇسكەن جوق. ەلەكتورالدى كامپانياداعى ءار ادامنىڭ جۇرەگىنە جول تاپتىم دەگەن سەنىمدەمىن، تىكەلەي ەفيردى پايدالانىپ، حالىق الدىندا بەرگەن ۋادەلەرىمنىڭ بارلىعىن ورىندايتىنىمدى تاعى قايتالاپ ايتقىم كەلەدى. ءار كەزدەسۋدە الەۋمەتتىك ماڭىزى بار ماسەلەلەردى، ازاماتتاردىڭ ءومىر ساپاسىن جاقسارتۋ ماسەلەسىن كوتەردىم. مۇنداي كەزدەسۋلەر از بولعان جوق. قاسىم-جومارت كەمەلۇلى، ءسىزدى نىق جەڭىسىڭىزبەن شىن جۇرەكتەن قۇتتىقتايمىن. ءوز جوسپارلارىڭىزدى جۇزەگە اسىرۋدا تابىس تىلەيمىن! ءوز تاراپىمنان سىزگە جان-جاقتى كومەك كورسەتۋگە دايىنمىن”، - دەدى سالتانات تۇرسىنبەكوۆا.
"ادىرنا" ۇلتتىق پورتالى
