ريمدە يتاليانىڭ وزبەكستانداعى بۇرىنعى ەلشىسى پەرگابريەلە پاپاديا ۇستالدى، دەپ حابارلايدى “ادىرنا” ۇلتتىق پورتالى ArbatMedia-عا سىلتەمە جاساپ.
تەرگەۋ مالىمەتىنشە، ول رەسەي ازاماتتارىنا ۇزاق مەرزىمدى شەنگەن ۆيزالارىن زاڭسىز جولمەن ساتۋ سحەماسىن ۇيىمداستىردى دەگەن كۇدىككە ىلىنگەن. ۆيزالاردىڭ قۇنى 4–16 مىڭ ەۋرو ارالىعىندا بولعان.
پاپاديا 2024 جىلدىڭ جەلتوقسانىنان 2025 جىلدىڭ جەلتوقسانىنا دەيىن يتاليانىڭ وزبەكستانداعى ەلشىسى قىزمەتىن اتقارعان. ايىپتاۋلارعا سايكەس، ول ۆيزالىق ءبولىم جۇمىسىن باقىلاۋىنا الىپ، وعان رەسەي مەن يتاليا ازاماتتىعى بار تاتيانا تاراكانوۆانى تاعايىنداعان.
تەرگەۋ نۇسقاسى بويىنشا، ەكەۋى قوسىمشا قارجى ءۇشىن ۇزاق مەرزىمدى شەنگەن ۆيزالارىن راسىمدەۋدىڭ جۇيەسىن قۇرعان. بۇل سحەماعا ماسكەۋدە ءبىر مەكەنجايدا تىركەلگەن ءۇش رەسەيلىك تۋريستىك اگەنتتىك تە تارتىلعان بولۋى مۇمكىن.
اتالعان اگەنتتىكتەر ارقىلى كەمىندە 95 ادام زاڭسىز بەرىلگەن ۆيزالارمەن يتالياعا كىرگەنى ايتىلادى.
