قازاقستان سىرتقى ىستەر ءمينيسترىنىڭ ورىنباسارى الىبەك باقاەۆ يران يسلام رەسپۋبليكاسىنىڭ استاناداعى توتەنشە جانە وكىلەتتى ەلشىسى ءالي اكبار دجوۋكاردى قابىلدادى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆالارىن تالقىلاپ، بۇرىن قول جەتكىزىلگەن كەلىسىمدەردى جۇزەگە اسىرۋعا دايىن ەكەندەرىن راستادى.
نەگىزگى نازار ساۋدا-ەكونوميكالىق جانە كولىك-لوگيستيكالىق بايلانىستاردى دامىتۋعا اۋدارىلدى. سونداي-اق ەكى ەل اراسىندا بارلىق دەڭگەيدە تۇراقتى ساياسي ديالوگتى جالعاستىرۋدىڭ ماڭىزدىلىعى اتاپ ءوتىلدى.
كەزدەسۋ كەزىندە وڭىرلىك جانە حالىقارالىق كۇن تارتىبىندەگى وزەكتى ماسەلەلەر دە قاراستىرىلدى. سونىڭ ىشىندە تاياۋ شىعىستاعى جاعدايعا قاتىستى پىكىر الماسۋ بولعانى ايتىلدى.
ايتا كەتەيىك، وسى جىلدىڭ 5 ناۋرىزىندا سىرتقى ىستەر ءمينيسترىنىڭ ورىنباسارى الىبەك باقاەۆ يراننىڭ استاناداعى ەلشىسى ءالي اكبار دجوۋكاردى ءبىر قابىلداپ، ەكىجاقتى ىنتىماقتاستىق ماسەلەلەرىن تالقىلاعان بولاتىن.
