ۇلىتاۋ وبلىسىنىڭ پوليتسيا دەپارتامەنتىندە جەكە قۇرام اراسىندا زاڭدىلىق پەن قىزمەتتىك ءتارتىپتى ساقتاۋ ماسەلەلەرىنە ارنالعان تاربيەلىك جينالىس ءوتتى.
ءىس-شاراعا جەكە قۇراممەن جۇمىس جونىندەگى باسقارمانىڭ باستىعى، پوليتسيا پولكوۆنيگى الديار ابىشەۆ، وزىندىك قاۋىپسىزدىك باسقارماسىنىڭ جانە جەكە قۇرام بويىنشا ينسپەكتسيانىڭ جاۋاپتى وفيتسەرلەرى قاتىستى.
جيىن بارىسىندا قىزمەتكەرلەردىڭ قۇقىقتىق مادەنيەتىن ارتتىرۋ، ىشكى ءتارتىپ پەن قىزمەتتىك ەتيكانى ساقتاۋ، سىبايلاس جەمقورلىق قۇقىقبۇزۋشىلىقتاردىڭ الدىن الۋ، سونداي-اق ازاماتتارمەن قارىم-قاتىناستا ادەبى جوعارى، جاۋاپكەرشىلىگى مول مامان بولۋ قاجەتتىلىگى اتاپ ءوتىلدى.
پوليتسيا پولكوۆنيگى الديار ابىشەۆ ءوز سوزىندە ءاربىر ءتارتىپ ساقشىسىنىڭ باستى مىندەتى – زاڭدى قاتاڭ ساقتاۋ، قوعام سەنىمىن اقتاۋ جانە ازاماتتارعا ۇلگى بولۋ ەكەنىن ايتتى.
ول سونداي-اق، قىزمەتكەرلەردى جۇمىس بارىسىندا ادالدىق، ادىلدىك جانە كاسىبيلىك قاعيداتتارىن ۇستانۋعا شاقىردى.
جيىن سوڭىندا جەكە قۇرام اراسىندا پروفيلاكتيكالىق ءتۇسىندىرۋ جۇمىستارى جۇرگىزىلىپ، قىزمەتتىك ءتارتىپتى بۇزعان جاعدايدا قولدانىلاتىن شارالار ءتۇسىندىرىلدى.
مۇنداي شارالار قۇقىق قورعاۋ ورگاندارىنداعى ءتارتىپ پەن جاۋاپكەرشىلىكتى نىعايتۋعا، سونداي-اق قىزمەتكەرلەردىڭ مورالدىق-ادامگەرشىلىك كەلبەتىن ارتتىرۋعا باعىتتالعان.
