Farruh Zakirov «Dostyq» ordenımen marapattaldy, dep habarlaidy "Adyrna" ūlttyq portaly.
Qazaqstan Prezidentı Qasym-Jomart Toqaevtyŋ Jarlyǧymen äigılı «Iаlla» ansamblınıŋ jetekşısı Farruh Zakirov II därejelı «Dostyq» ordenımen marapattaldy.
Marapatty Qazaqstannyŋ Özbekstandaǧy Tötenşe jäne Ökılettı Elşısı Beibıt Atamqūlov Taşkent qalasyndaǧy Qazaqstan elşılıgınde tabystady.
Saltanatty räsım barysynda öner iesı būl marapatty joǧary baǧalap, ony tek jeke jetıstık emes, tūtas özbek halqyna körsetılgen qūrmet retınde qabyldaitynyn atap öttı.
«Būl marapatty men aldymen bükıl özbek halqyna körsetılgen qūrmet dep bılemın», – dedı Farruh Zakirov.
Aita keteiık, biyl "Şaihana" änımen tanylǧan Farruh Zakirovtyŋ 80 jyldyq mereitoiy atalyp öttı.
Ūqsas jaŋalyqtar
