نۇركەن نۇراتوۆ قاراعاندى وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى. بۇل تۋرالى تۋريزم جانە سپورت مينيسترلىگى جازدى، دەپ حابارلايدى «ادىرنا» ءتىلشىسى.
مينيسترلىك وڭىرلىك سپورت باسقارمالارىنىڭ باسشىلارىن تاعايىنداۋ جونىندەگى كوميسسيانىڭ وتىرىسى وتكەنىن ايتتى. جيىندا قاراعاندى وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى لاۋازىمىنا ۇسىنىلعان كانديداتۋرا قارالعان.
«تالقىلاۋ قورىتىندىسى بويىنشا كوميسسيا مۇشەلەرى الماتى وبلىسىنىڭ وليمپيادالىق رەزەرۆ دايارلاۋ ورتالىعىنىڭ باسشىسى نۇركەن نۇراتوۆتىڭ كانديداتۋراسىن ماقۇلدادى. ۇمىتكەردىڭ سپورت سالاسىنداعى كاسىبي تاجىريبەسى، باسقارۋشىلىق قابىلەتى جانە ءوڭىر سپورتىن دامىتۋعا قاتىستى ۇستانىمى كوميسسيا تاراپىنان جان-جاقتى زەردەلەنىپ، وڭ شەشىم قابىلداندى»،-دەلىنگەن حابارلامادا.
ەسكە سالايىق، بۇعان دەيىن بۇل قىزمەتتى وليمپيادا چەمپيونى سەرىك ساپيەۆ اتقارعان ەدى. ول ورىنباسارى داۋرەن ەسىمحانوۆپەن بولعان جانجالدان كەيىن 3 اقپان كۇنى قىزمەتىنەن كەتتى.
