«اMANAT» پارتياسى فراكتسياسىنىڭ جەتەكشىسى ەلنۇر بەيسەنباەۆ باس پروكۋرور بەرىك اسىلوۆقا، ىشكى ىستەر ءمينيسترى ەرجان سادەنوۆكە قاراعاندى وبلىسىنداعى جاعداي بويىنشا دەپۋتاتتىق ساۋال جولدادى، دەپ حابارلايدى "ادىرنا" پورتالى.
بەيسەنباەۆ سوڭعى كەزدە زاڭدى بەلدەن باسىپ، ويىنا كەلگەنىن ىستەيتىن بەتىمەن كەتكەن ازاماتتاردىڭ كوبەيىپا كەتكەنىن تىلگە تيەك ەتتى.
"كۇنى كەشە قاراعاندىدا بولعان وقيعا – سونىڭ ايقىن دالەلى. ايدىڭ كۇننىڭ امانىندا ءوز قىزمە ي ءتىن ادال اتقارىپ جۇرگەن جەدەل جاردەم جۇرگىزۋشىسىن قانجوسا ەتىپ سوققىعا جىعۋ – بارىپ تۇرعان باسسىزدىق. قۇقىقبۇزۋشى نۇربولات داكەباەۆتىڭ بۇل ارەكەتى – ءجاي عانا قىلمىس ەمەس، بۇكىل قوعامعا، زاڭ مەن تارتىپكە اشىق قارسىلىق، نە ىستەي الاسىڭ دەگەن ءدوڭايبات. وزىن بەينەتاسپاعا ءتۇسىرىپ جاتقانىن ءبىلىپ تۇرسا دا، ەشقانداي ايىلىن جيماي جۇدىرىق سىلتەپ، قىزمەتتەگى ادامدى قانعا بوكتىرۋى – ابدەن شەكتەن شىققاندىق، ناعىز قانىپەزەرلىك" دەدى ول.
1 جاسار سابيگە كومەككە كەلگەن مەديتسينا قىزمەتكەرلەرىن، اشىقتان-اشىق، كۋاگەرلەردىڭ كوزىنشە ۇرىپ-سوققان ادامنىڭ قاراپايىم ادامداردى قىرىپ تاستاۋدان تايىنبايتىنى جايلى قوستى ول.
اتالمىش جايتتىڭ بىرنەشە رەت قايتالانىپ جاتقانىن ايتتى دەپۋتات.
"الماتىدا اۆتوبۋس جۇرگىزۋشىسىن سوققىعا جىعۋدىڭ قانداي قايعىلى جاعدايعا سوقتىرعانىنا ءبارىمىز كۋا بولدىق. بۇل جاريا بولعاندارى عانا. جابۋلى قازان جابۋلى كۇيىندە قالعاندارى قانشاما. سوندىقتان مۇنداي جاعدايعا مۇلدەم جول بەرۋگە بولمايدى. وتكەندە بيشىمباەۆ، بۇگىن داكەباەۆ، ەرتەڭ كىم بولادى سوندا؟!" دەدى ول.
بۇل جاعدايلار ءتيىستى ورگانداردىڭ ءوز جۇمىسىنا سالعىرت قاراۋىنان، كوپشىلىكتىڭ قاراپايىم عانا قۇقىقتىق قاعيدالاردى بىلمەيتىنىنەن جانە ۇلتتىق قۇندىلىقتاردان ادا، ادەپ پەن ار-ۇياتتى ارتتا قالۋشىلىق دەپ سانايتىن، ادامشىلىققا جات ويلارمەن ساناسى ۋلانعان ازاماتتار قالىپتاسىپ جاتقاندىعىنان ورىن الىپ جاتىر دەدى ول.
"بۇل ەشقانداي جاقسىلىققا اپارمايدى. سالدارىن كورىپ وتىرمىز. ءبىز زاڭ مەن ءتارتىپ ۇستەمدىك ەتەتىن، ءاربىر ازاماتتىڭ قۇقىعى قورعالعان، ءوز ءومىرى مەن دەنساۋلىعىنا قاۋىپتەنبەيتىن ادىلەتتى قازاقستاندى قالايمىز جانە ونى قۇرامىز.پرەزيدەنتىمىز ايتقانداي: «بىزدە زاڭ مەن تارتىپبۇزۋشىلىققا توزبەيتىن جاعداي قالىپتاسۋى كەرەك» . سوندىقتان ۋاكىلەتتى ورگاندارعا كەلەسى شارالاردى قولعا الۋدى ۇسىنامىز" دەپ بىرنەشە ۇسىنىس ايتتى بەيسەنباەۆ.
ء"بىرىنشى، قۇقىق قورعاۋ ورگاندارى قىلمىس جاساعان داكەباەۆتى تەزارادا تابۋى ءتيىس. ەكىنشى، نۇربولات داكەباەۆتىڭ سوتىن اشىق جۇرگىزىپ، قاتاڭ جازا تاعايىنداۋ جانە ونىڭ بارىسى مەن قورىتىندىسى تۋرالى بۇقارالىق اقپارات قۇرالدارى ارقىلى حالىقتى تۇگەل حاباردار ەتۋ. ءۇشىنشى، سوڭعى ۋاقىتتارى ادامنىڭ جەكە باسىنا قاۋىپ توندىرەتىن، ءتىپتى ونىڭ ءومىرىن قياتىن قىلمىستار قوعامدىق سيپات الۋدا. سوندىقتان، تەزارادا كەز كەلگەن قىلمىستارعا قوعامدى مۇلدەم توزبەۋشىلىك مادەنيەتىن جاپپاي قالىپتاستىرۋىمىز قاجەت" دەلىندى ەلنۇر بەيسەنباەۆتىڭ ساۋالىندا.
