Nūrken Nūratov Qaraǧandy oblysynyŋ dene şynyqtyru jäne sport basqarmasynyŋ basşysy bolyp taǧaiyndaldy. Būl turaly Turizm jäne sport ministrlıgı jazdy, dep habarlaidy «Adyrna» tılşısı.
Ministrlık öŋırlık sport basqarmalarynyŋ basşylaryn taǧaiyndau jönındegı komissiianyŋ otyrysy ötkenın aitty. Jiynda Qaraǧandy oblysynyŋ dene şynyqtyru jäne sport basqarmasynyŋ basşysy lauazymyna ūsynylǧan kandidatura qaralǧan.
«Talqylau qorytyndysy boiynşa komissiia müşelerı Almaty oblysynyŋ olimpiadalyq rezerv daiarlau ortalyǧynyŋ basşysy Nūrken Nūratovtyŋ kandidaturasyn maqūldady. Ümıtkerdıŋ sport salasyndaǧy käsıbi täjıribesı, basqaruşylyq qabıletı jäne öŋır sportyn damytuǧa qatysty ūstanymy komissiia tarapynan jan-jaqty zerdelenıp, oŋ şeşım qabyldandy»,-delıngen habarlamada.
Eske salaiyq, būǧan deiın būl qyzmettı Olimpiada chempiony Serık Säpiev atqarǧan edı. Ol orynbasary Däuren Esımhanovpen bolǧan janjaldan keiın 3 aqpan künı qyzmetınen kettı.
