كەنشىلەر شاھارىندا 2005 جىلدان بەرى پايدالانۋعا بەرىلگەن تۇرعىن ۇيلەردىڭ سانى 16,5 ەسەگە ارتتىردى.
سوڭعى ءۇش جىلدا باسپاناعا مۇقتاج 1648 ەكىباستۇزدىق مەملەكەتتىك تۇرعىن ءۇي قورىنان جالدامالى پاتەرلەرگە يە بولدى. ونىڭ ىشىندە 332 جەتىم جانە 360 كوپبالالى وتباسى بار.
وسىلايشا باسپانا كەزەگىندە تۇرعان ازاماتتاردىڭ سانى ءبىرشاما ازايدى. جالپى ەكىباستۇزدا قۇرىلىس ەرەكشە قارقىن العانىن اتاپ وتكەن ءجون.
يگى ءۇردىس 2005 جىلى باستالعان. سول جىلى قالاداعى ساقالدۆ قۇرىلىستار قالپىنا كەلتىرىلىپ، 4200 شارشى مەتر تۇرعىن ءۇي پايدالانۋعا بەرىلگەن. 2008-2009 جىلدارى قالا تۇرعىندارى 5500 شارشى مەتردەن استام پاتەردى يەمدەندڭ. ءۇش جىلدان كەيىن قارقىن ودان ءارى ءوستى.
"ەكىباستۇزدا تۇرعىن ءۇي قۇرىلىسىنىڭ قارقىنى گەومەتريالىق پروگرەسسيامەن وسە باستادى: 2011 جىلى – 14 700 شارشى مەتر، 2012 جىلى – 15 200, 2013 جىلى – 24 100, 2015-2017 جىلدارى – 28 400, ال 2018 جىلى – 44 100شارشى مەتر بولاتىن باسپانا پايدالانۋعا بەرىلگەن. ال 2020 جىلى ەكىباستۇزدا 54 355 شارشى مەتر تۇرعىن ءۇي، 2021 جىلى 69 300 شارشى مەتر تۇرعىن ءۇي بوي كوتەردى", — دەيدى قالالىق قۇرىلىس بولىمىندەگىلەر.
بۇعان دەيىن حابارلانعانداي، سوڭعى ءۇش جىلدا ەكىباستۇزدا 16 كوپ قاباتتى تۇرعىن ءۇي سالىندى. ناتيجەسىندە شاھاردا جاڭا شاعىن اۋدان قۇرىلدى.
2022 جىلى جۇزدەن استام وتباسىن باسپانامەن قامتاماسىز ەتۋ جوسپارلانعان بولاتىن. بيىل ناۋرىز ايىندا 72 وتباسى جاڭا باسپاناعا يە بولسا، ماۋسىم ايىندا تاعى جەتپىستەن استام وتباسى قونىس تويىن تويلادى. قۋانىش مۇنىمەن تولاستامادى. رەسپۋبليكا كۇنى قارساڭىندا تۇرعىن ءۇي كەزەگىندە تۇرعان تاعى ءجۇز وتباسى ءۇشىن باسپانا ماسەلەسى وڭ شەشىلدى.
"ادىرنا" ۇلتتىق پورتالى
