قاراعاندى - بالقاش تاس جولى رەسپۋبليكالىق ماڭىزى بار ەكى ۇلكەن قالانىڭ ورتاسىن جالعايدى. الايدا تاس جول بىرنەشە جىلدان بەرى جوندەۋدەن ءوتىپ جاتىر، دەپ حابارلايدى "ادىرنا" ۇلتتىق پورتالى.
بۇل تاس جولمەن تاۋلىگىنە 9 مىڭعا جۋىق كولىك ءجۇرىپ وتەدى. دەگەنمەن ۇزىندىعى 363 شاقىرىم بولاتىن قاراعاندى – بالقاش جولىندا جوندەۋ جۇمىستارى ءالى بىتپەگەن. بۇل تۋرالى جۋرناليست اقبوپە تاڭىربەرگەن Facebook جەلىسىندەگى پاراقشاسىندا حابارلادى.
"قاراعاندى-بالقاش جولىنىڭ بيىل دا سالىنىپ بىتەتىن ءتۇرى جوق. اقسۋ-ايۋلىدان 100 شاقىرىمداي شىعىپ، اقشاتاۋ تۇسىنا كەلگەندە اۆتوبۋس پەن ەستيمو سوعىلىپ، قانشاما ادام جولدا قالدى. ەكى كولىكتىڭ دە جۇرگىزۋشىسى قايتىس بولىپتى. 2 ساعاتتا ءبىر جەدەل-جاردەم كەلگەن جوق. ءۇش ءمايىتتىڭ بەتىن جاۋىپ قويىپتى. جارالىلار كوپ. جولدا ينتەرنەت ۇستامايدى. پويىزعا بيلەت جوق. ۇشاقتىڭ بيلەتى اسقاقتاپ تۇر. وسىلاي اۆتوبۋس، يندرايۆەرمەن شىققان جۇرت جولدا قىرىلىپ جاتىر ال", - دەلىنگەن جازبادا.
ۇقساس جاڭالىقتار
