ورال قالاسىندا «اۋىل — ەل تىرەگى: دامۋدىڭ جاڭا كەزەڭى مەن ارىپتەستىك» اتتى ءى اۋىلدىق وكرۋگ اكىمدەرىنىڭ فورۋمى باستالدى. بۇل الاڭ بيلىك وكىلدەرىن، ساراپشىلاردى جانە اۋىل باسشىلارىن بىرىكتىرىپ، قازاقستان اۋىلدارىنىڭ بۇگىنگى دامۋى مەن جەرگىلىكتى دەڭگەيدە ءتيىمدى شەشىمدەردى تالقىلاۋعا مۇمكىندىك بەردى.
فورۋمنىڭ نەگىزگى وقيعالارىنىڭ ءبىرى — اۋقىمدى اۋداندىق كورمە بولدى. ءار اۋدان ءوز ونىمدەرى مەن الەۋەتىن تانىستىردى: قولونەر بۇيىمدارىنان باستاپ اۋىل شارۋاشىلىعى ونىمدەرىن وڭدەۋگە دەيىن. كورمەلەر ەتنو-كيىز ۇيلەر فورماتىندا ۇيىمداستىرىلىپ، جەرگىلىكتى باستامالاردىڭ قالايشا تولىققاندى بيزنەسكە اينالىپ جاتقانىن كورسەتۋگە باعىتتالدى.
ۇيىمداستىرۋشىلاردىڭ مالىمەتىنشە، بۇگىندە وڭىردە 151 اۋىل اكىمى جۇمىس ىستەيدى. ولار اۋماقتاردىڭ دامۋىنا تىكەلەي جاۋاپتى. فورۋم اكىمدەر ءۇشىن جاي كەزدەسۋ ەمەس، تاجىريبە الماسىپ، اۋىلداعى ناقتى ماسەلەلەرگە شەشىم تاباتىن جۇمىس الاڭىنا اينالدى.
فورۋمدا ەكونوميكا ماسەلەسىنە ەرەكشە نازار اۋدارىلدى. اۋداندار ءداستۇرلى قولونەردىڭ تابىس كوزىنە اينالىپ جاتقانىن كورسەتتى. شاعىن وندىرىستەردەن باستاپ كووپەراتيۆتەرگە دەيىنگى جوبالار ءوزىن-ءوزى جۇمىسپەن قامتۋدان اسىپ، جەرگىلىكتى بيزنەس كلاستەرلەرىن قالىپتاستىرۋدا.
باتىس قازاقستان وبلىسىنىڭ اكىمى ناريمان تورەعاليەۆ كورمەمەن تانىسىپ، اۋىلدىڭ دامۋى بۇگىن جەرگىلىكتى باستامالارعا تىكەلەي بايلانىستى ەكەنىن اتاپ ءوتتى. ونىڭ ايتۋىنشا، ء«داستۇردى ساقتاپ قانا قويماي، ونى حالىققا جۇمىس پەن تابىس اكەلەتىن تۇراقتى ەكونوميكالىق جوباعا اينالدىرۋ ماڭىزدى».
سونداي-اق ول «قالادان اۋىلعا» جوباسىنىڭ تيىمدىلىگىن اتاپ ءوتتى: ء«بىز مىڭنان استام ادامدى كوشىردىك. بۇل — ءبىر تولىققاندى ەلدى مەكەنگە تەڭ كورسەتكىش. بيزنەس قونىس اۋدارۋشىلاردى بەلسەندى قولداپ وتىر، مەملەكەت قوسىمشا كومەك كورسەتۋدە».
ايتا كەتۋ كەرەك، اۋىل اكىمدەرىنىڭ باسىم بولىگى بۇرىن مەملەكەتتىك قىزمەتتە جۇمىس ىستەمەگەن. ولاردىڭ بىلىكتىلىگىن ارتتىرۋ ماقساتىندا AMANAT پارتياسى «اكىمدەر مەكتەبى» جوباسىن جۇزەگە اسىردى. وسى جوبا اياسىندا 159 باسشى ءبىلىم الىپ، حالىق تابىسىن ارتتىرۋ جانە كووپەراتسيانى دامىتۋ بويىنشا پراكتيكالىق داعدىلارعا يە بولدى.
