Oral qalasynda «Auyl — el tıregı: damudyŋ jaŋa kezeŋı men ärıptestık» atty I auyldyq okrug äkımderınıŋ forumy bastaldy. Būl alaŋ bilık ökılderın, sarapşylardy jäne auyl basşylaryn bırıktırıp, Qazaqstan auyldarynyŋ bügıngı damuy men jergılıktı deŋgeide tiımdı şeşımderdı talqylauǧa mümkındık berdı.
Forumnyŋ negızgı oqiǧalarynyŋ bırı — auqymdy audandyq körme boldy. Är audan öz önımderı men äleuetın tanystyrdy: qolöner būiymdarynan bastap auyl şaruaşylyǧy önımderın öŋdeuge deiın. Körmeler etno-kiız üiler formatynda ūiymdastyrylyp, jergılıktı bastamalardyŋ qalaişa tolyqqandy bizneske ainalyp jatqanyn körsetuge baǧyttaldy.
Ūiymdastyruşylardyŋ mälımetınşe, bügınde öŋırde 151 auyl äkımı jūmys ısteidı. Olar aumaqtardyŋ damuyna tıkelei jauapty. Forum äkımder üşın jai kezdesu emes, täjıribe almasyp, auyldaǧy naqty mäselelerge şeşım tabatyn jūmys alaŋyna ainaldy.
Forumda ekonomika mäselesıne erekşe nazar audaryldy. Audandar dästürlı qolönerdıŋ tabys közıne ainalyp jatqanyn körsettı. Şaǧyn öndırısterden bastap kooperativterge deiıngı jobalar özın-özı jūmyspen qamtudan asyp, jergılıktı biznes klasterlerın qalyptastyruda.
Batys Qazaqstan oblysynyŋ äkımı Nariman Töreǧaliev körmemen tanysyp, auyldyŋ damuy bügın jergılıktı bastamalarǧa tıkelei bailanysty ekenın atap öttı. Onyŋ aituynşa, «dästürdı saqtap qana qoimai, ony halyqqa jūmys pen tabys äkeletın tūraqty ekonomikalyq jobaǧa ainaldyru maŋyzdy».
Sondai-aq ol «Qaladan auylǧa» jobasynyŋ tiımdılıgın atap öttı: «Bız myŋnan astam adamdy köşırdık. Būl — bır tolyqqandy eldı mekenge teŋ körsetkış. Biznes qonys audaruşylardy belsendı qoldap otyr, memleket qosymşa kömek körsetude».
Aita ketu kerek, auyl äkımderınıŋ basym bölıgı būryn memlekettık qyzmette jūmys ıstemegen. Olardyŋ bılıktılıgın arttyru maqsatynda AMANAT partiiasy «Äkımder mektebı» jobasyn jüzege asyrdy. Osy joba aiasynda 159 basşy bılım alyp, halyq tabysyn arttyru jäne kooperasiiany damytu boiynşa praktikalyq daǧdylarǧa ie boldy.
