مۇقتار شاحانوۆتىڭ قايتىس بولۋى قازاقتاردىڭ ىشىندە بۇعىپ، سىرتقا اقتارىلۋعا سەبەپ تاپپاي جاتقان ءشليۋزدى اشىپ جىبەرگەندەي بولىپتى عوي. كەشەدەن بەرى ەستىپ، وقىپ جاتقان اڭگىمەلەردىڭ شەتى كورىنبەيدى. ەگەر راس بولسا، كەيبىرى ءتىپتى سۇمدىق.
جالپى ولگەن ادامنىڭ سوڭىنان عايبات ءسوز ايتۋ دۇرىس ەمەس-اۋ، بۇل قازاقتىڭ سالتىندا جوق ەدى عوي اۋەلدەن. نە بولىپ كەتكەن بىزگە، ەڭ بولماعاندا توپىراعى كەپپەي مە؟ جاقسى دا، جامان دا جاعى بار شىعار، بىراق قالاي بولعاندا دا شاحانوۆ - قازاق تاريحىندا ءىزى قالعان ادام، ول - فاكت. ۋاقىت وتە كەلە اسىقپاي تالدانا جاتار، ونى دا كورەرمىز بۇيىرتسا.
بەكەر جازدىم با؟ ورىنسىز ءسوز ەستىپ قالام-اۋ بىرەۋدەن؟ بىراق... ءبارىمىز ۇندەمەي بۇعىپ قالا بەرسەك نە بولادى؟ بىلمەيمىن ايتەۋىر... وسىنىڭ ءبارى ماعان ۇناپ تۇرعان جوق. قازاق سالتى جاپپاي بۇزىلۋعا اينالىپ بارا جاتىر... اقىرىن بەرسىن. مىڭداعان جىلدار بويى، ءومىردىڭ وزىنەن ەكشەلىپ-سۇرىپتالعان ادەت-عۇرىپ، سالتتار ەدى.
