وقۋ-اعارتۋ مينيسترلىگى پەداگوگتەرگە جاڭا ادىستەر مەن جوسپارلارعا بايلانىستى ارتىق مىندەت جۇكتەلمەيتىنىن مالىمدەدى. بۇل تۋرالى وقۋ-اعارتۋ ۆيتسە-ءمينيسترى شىنار اقپاروۆا بريفينگتە ايتتى، دەپ حابارلايدى "ادىرنا".
ۆيتسە-ءمينيستردىڭ ايتۋىنشا، پەداگوگتەردىڭ قۇجاتتىق جۇكتەمەسى قازىردىڭ وزىندە ناقتى نورماتيۆتىك اكتىلەرمەن رەتتەلگەن.
"بىزدە وقۋ-اعارتۋ ءمينيسترىنىڭ №130 بۇيرىعى بەكىتىلگەن. سول قۇجاتتا ءار دەڭگەي بويىنشا پەداگوگتەردىڭ قانداي مىندەتتەرى بار ەكەنى جانە قانداي قۇجاتتاردى جۇرگىزۋى كەرەكتىگى ناقتى كورسەتىلگەن", - دەدى ۆەدومستۆو وكىلى.
سونىمەن قاتار، قۇجات جۇرگىزۋ فورماتى ءبىلىم بەرۋ ۇيىمىنىڭ تەحنيكالىق مۇمكىندىگىنە بايلانىستى جۇزەگە اسىرىلادى.
"ەگەر مەكتەپ اقپاراتتىق جۇيەگە قوسىلعان بولسا، قۇجاتتار ەلەكتروندى فورماتتا جۇرگىزىلەدى. ال جۇيەگە قوسىلماعان جاعدايدا قاعاز تۇرىندە راسىمدەلەدى", - دەپ ءتۇسىندىردى ول.
سپيكەردىڭ سوزىنشە، ساباق جوسپارىن ازىرلەۋ پەداگوگتىڭ كاسىبي قۇزىرىندا قالادى.
"ساباق جوسپارى - مۇعالىمنىڭ وزىنە بايلانىستى. ءار پەداگوگ ءوز سىنىبىنداعى وقۋشىلاردىڭ دەڭگەيىنە قاراي ساباعىن ءوزى جوسپارلايدى", - دەدى ول.
