استانادا وتكەن وڭىرلىك ەكولوگيالىق سامميت قورىتىندىسى بويىنشا ءتورت قۇجاتقا قول قويىلدى، دەپ حابارلايدى «ادىرنا» ءتىلشىسى.
اتاپ ايتساق:
1. «حالىقارالىق ارالدى قۇتقارۋ قورىنا قازاقستان رەسپۋبليكاسىنىڭ توراعالىق ەتۋ بارىسى تۋرالى» حالىقارالىق ارالدى قۇتقارۋ قورى قۇرىلتايشى مەملەكەتتەر باسشىلارىنىڭ شەشىمى;
2. «26 ناۋرىزدى ارال تەڭىزىنىڭ، ءامۋداريا مەن سىرداريا وزەندەرىنىڭ حالىقارالىق كۇنى دەپ جاريالاۋ جونىندە» حالىقارالىق ارالدى قۇتقارۋ قورى قۇرىلتايشى مەملەكەتتەر باسشىلارىنىڭ شەشىمى;
3. «حالىقارالىق ارالدى قۇتقارۋ قورىنىڭ پرەزيدەنتىن سايلاۋ تۋرالى» حالىقارالىق ارالدى قۇتقارۋ قورى قۇرىلتايشى مەملەكەتتەر باسشىلارىنىڭ شەشىمى;
4. حالىقارالىق ارالدى قۇتقارۋ قورى قۇرىلتايشى مەملەكەتتەر باسشىلارىنىڭ استانا مالىمدەمەسى.
ەسكە سالايىق، پرەزيدەنت قاسىم-جومارت توقاەۆ حالىقارالىق ارالدى قۇتقارۋ قورى قۇرىلتايشى مەملەكەتتەر باسشىلارى كەڭەسىنىڭ وتىرىسىن وتكىزگەن ەدى. بۇعان دەيىن وتىرىسقا قاتىسۋشىلار اقورداعا كەلگەن بولاتىن.
مەملەكەت باسشىسى قازاقستان مەن ددسۇ ارال ءوڭىرى تۇرعىندارىنىڭ ءال-اۋقاتىن جاقسارتۋعا ارنالعان جول كارتاسىن ازىرلەگەنىن حابارلادى. سونداي-اق قاسىم-جومارت توقاەۆ سولتۇستىك ارال ەكوجۇيەسىن قالپىنا كەلتىرۋ باعىتىنداعى بىرلەسكەن جۇمىستىڭ وڭ ناتيجەلەرىنە توقتالىپ، سۋ ماسەلەسىن ءوڭىر ەلدەرى ءۇشىن وزەكتى ءارى حالىقارالىق دەڭگەيدە ماڭىزدى ورتاق تاقىرىپ رەتىندە قاراستىرۋ قاجەتتىگىن اتاپ ءوتتى.
