استانادا رەزونانس تۋدىرعان Lexus LX 600 اۆتوكولىگىنە قاتىستى جاڭا دەرەكتەر بەلگىلى بولدى، دەپ حابارلايدى "ادىرنا" ۇلتتىق پورتالى ينفورمبيۋروعا سىلتەپ.
پەريزات قايرات ىسىندە تاركىلەنگەن قارا ءتۇستى جول تالعامايتىن كولىك قازىرگى تاڭدا قارجىلىق مونيتورينگ اگەنتتىگىنىڭ بالانسىندا جوق.
مالىمەتكە سايكەس، مەملەكەتتىك ءنومىرى 100PKO01 بولاتىن كولىك 2025 جىلدىڭ قاراشاسىندا اۋكتسيونعا شىعارىلعان. ونىڭ باعالاۋ قۇنى 79 ميلليون تەڭگەدەن اسقان. اۆتوكولىك پەريزات قايراتتىڭ اناسى عايني الاشباەۆانىڭ اعاسىنىڭ اتىنا تىركەلگەنى ايتىلعان.
الايدا بۇعان دەيىن، 2025 جىلدىڭ جەلتوقسانىندا استانا قالاسىنىڭ مەملەكەتتىك مۇلىك جانە جەكەشەلەندىرۋ دەپارتامەنتى بۇل كولىك قما بالانسىنا بەرىلگەنىن حابارلاعان ەدى. ال اگەنتتىكتىڭ ءوزى بۇل اقپاراتتى راستاماي وتىر. رەسمي جاۋاپتا قازىرگى تاڭدا اتالعان كولىك ولاردىڭ تەڭگەرىمىندە جوق ەكەنى كورسەتىلگەن.
سونىمەن قاتار، 7 ءساۋىر كۇنى وتكەن ساۋدا-ساتتىقتا Mercedes-Benz S450 جانە Haval H6 GT اۆتوكولىكتەرى ساتىلىپ، ولاردى استانا قالاسىنىڭ پوليتسيا دەپارتامەنتى جەڭىپ العان.
