استاناداعى «پلوۆ تسەنتر» ءدامحاناسىندا گاز باللونى جارىلعاننان كەيىن زارداپ شەككەندەردىڭ جاعدايى تۋرالى باياندالدى، دەپ حابارلايدى “ادىرنا” ۇلتتىق پورتالى دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەپ.
«اقىرتاس كوشەسىندەگى گاز باللونىنىڭ جارىلۋى سالدارىنان كافەنىڭ 6 قىزمەتكەرى (ەرلەر) زارداپ شەكتى. ولاردى جەدەل جاردەم بريگاداسى №1 كوپسالالى قالالىق اۋرۋحاناعا جەتكىزىپ، ارنايى ماماندار تەكسەردى»، - دەپ جاۋاپ بەردى ەلوردالىق دەنساۋلىق ساقتاۋ باسقارماسى.
تورتەۋى N1 كوپسالالى قالالىق اۋرۋحانانىڭ پوليتراۆماتولوگيا، ەندوپروتەزدەۋ جانە كومبۋستيولوگيا ورتالىعىنا جاتقىزىلدى. ەكى زارداپ شەگۋشى 3 جانە 5 پايىزدىق تەرميالىق كۇيىكپەن اۋرۋحاناعا جاتقىزىلدى. ولارعا ۇسىنىستار بەرىلىپ، امبۋلاتورلىق ەمدەۋگە جىبەرىلدى.
ەستەرىڭىزگە سالا كەتەيىك، ءورت شىققان ءدامحانادان قۇتقارۋشىلار ءتورت گاز باللونىن شىعارعان بولاتىن. قازىرگى ۋاقىتتا ۇيىندىلەرمەن جۇمىس ءجۇرىپ جاتىر.
