Astanada rezonans tudyrǧan Lexus LX 600 avtokölıgıne qatysty jaŋa derekter belgılı boldy, dep habarlaidy "Adyrna" ūlttyq portaly İnformbiuroǧa sıltep.
Perizat Qairat ısınde tärkılengen qara tüstı jol talǧamaityn kölık qazırgı taŋda Qarjylyq monitoring agenttıgınıŋ balansynda joq.
Mälımetke säikes, memlekettık nömırı 100PKO01 bolatyn kölık 2025 jyldyŋ qaraşasynda auksionǧa şyǧarylǧan. Onyŋ baǧalau qūny 79 million teŋgeden asqan. Avtokölık Perizat Qairattyŋ anasy Ǧaini Alaşbaevanyŋ aǧasynyŋ atyna tırkelgenı aitylǧan.
Alaida būǧan deiın, 2025 jyldyŋ jeltoqsanynda Astana qalasynyŋ memlekettık mülık jäne jekeşelendıru departamentı būl kölık QMA balansyna berılgenın habarlaǧan edı. Al agenttıktıŋ özı būl aqparatty rastamai otyr. Resmi jauapta qazırgı taŋda atalǧan kölık olardyŋ teŋgerımınde joq ekenı körsetılgen.
Sonymen qatar, 7 säuır künı ötken sauda-sattyqta Mercedes-Benz S450 jäne Haval H6 GT avtokölıkterı satylyp, olardy Astana qalasynyŋ polisiia departamentı jeŋıp alǧan.
