الەۋمەتتىك جەلىدە قوستانايدا بلوگەردىڭ قاتىسۋىمەن بولعان توبەلەستىڭ ۆيدەوسى تارادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
الدىن الا مالىمەت بويىنشا، ەكى قىز اراسىنداعى جانجال الەۋمەتتىك جەلىدەگى تىكەلەي ەفير كەزىندە باستالعان. كەيىن ولاردىڭ كەزدەسۋى توبەلەسكە ۇلاسقان. وقيعاعا بلوگەردىڭ تۋىستارى دا قاتىسقانى بايقالادى.
ايتا كەتەيىك، بلوگەر بۇعان دەيىن اۋتيزم جانە ونكولوگيالىق اۋرۋلارى بار بالالاردىڭ انالارىنا قاتىستى پىكىرلەرى ءۇشىن جاۋاپكەرشىلىككە تارتىلعان.
قوستاناي وبلىستىق پوليتسيا دەپارتامەنتىنىڭ مالىمەتىنشە، وقيعاعا قاتىسۋشىلاردىڭ بارلىعى ۇستالىپ، بولىمشەگە جەتكىزىلگەن. اتالعان دەرەك بويىنشا قىلمىستىق ءىس قوزعالدى.
قازىرگى ۋاقىتتا تەرگەۋ امالدارى جۇرگىزىلۋدە. ءار قاتىسۋشىنىڭ ارەكەتىنە قۇقىقتىق باعا بەرىلمەك.
ۇقساس جاڭالىقتار
