الماتى قالاسىندا كۇنى 7 جاستاعى قىزدى ابايسىزدا باسىپ كەتكەن جۇك كولىگىنىڭ جۇرگىزۋشىسى قاماۋعا الىندى. بۇل تۋرالى الماتى قالاسىنىڭ پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
“تەرگەۋ اياسىندا وقيعانىڭ بارلىق ءمان-جايى انىقتالىپ جاتىر. ءار ادامنىڭ ءىس-ارەكەتىنە قۇقىقتىق باعا بەرىلەدى، كىنالىلەر جاۋاپقا تارتىلادى. سونىمەن قاتار جاياۋ جۇرگىنشىلەر وتكەلىندە بالاعا جول بەرمەگەن اۆتوبۋس جۇرگىزۋشىسى اقبتك-ءنىڭ 600-بابى بويىنشا اكىمشىلىك جاۋاپكەرشىلىككە تارتىلدى. اۆتوبۋس ايىپ تۇراعىنا قويىلدى، - دەپ حابارلادى دەپارتامەنتتەن.
ەسكە سالايىق، 2 ءساۋىر كۇنى الماتىدا جۇك كولىگى 7 جاسار قىزدى باسىپ كەتتى. جول-كولىك وقيعاسىنان وقۋشى قىز مەرت بولدى. ادامنىڭ ولىمىنە اكەپ سوققان جول-كولىك وقيعاسى فاكتىسى بويىنشا قىلمىستىق ءىس قوزعالدى. ول بويىنشا ساراپتامالىق زەرتتەۋلەر جۇرگىزىلۋدە.
