الماتىداعى قىلمىستارعا كۇشتى توسقۋىل قوب كەرەك. بۇل تۋرالى مەملەكەت باسشىسى قاسىم-جومارت توقاەۆ مەگاپوليس جۇرتشىلىعىمەن كەزدەسۋ بارىسىندا ايتتى، دەپ حابارلايدى «ادىرنا» ءتىلشىسى.
«بيىل الماتىدا قازاقستاندا تىركەلگەن بارلىق قىلمىستىق قۇقىق بۇزۋشىلىقتاردىڭ بەستەن ءبىر بولىگى جاسالدى. ولاردىڭ نەگىزگى بولىگى ۇرلىق پەن الاياقتىققا بايلانىستى. مەملەكەتتىڭ باستى باسىمدىعى ازاماتتاردىڭ قاۋىپسىزدىگىن قامتاماسىز ەتۋ، ءومىرىن، دەنساۋلىعى مەن مۇلكىن قورعاۋ بولىپ تابىلادى. سوندىقتان قالاداعى قىلمىستارعا كۇشتى توسقاۋىل قويۋ كەرەك»،-دەدى پرەزيدەنت.
سونداي-اق، توقاەۆ ەلدە پوليتسيانىڭ سەرۆيستىك مودەلىن ەنگىزۋگە باعىتتالعان جۇيەلى رەفورما باستالعانىن تىلگە تيەك ەتتى.
بۇگىنگى كۇنى پيلوتتىق جوبا الاتاۋ اۋدانىندا جۇزەگە اسىرىلىپ جاتىر. ناتيجەسى كوڭىل قۋانتادى. سوندىقتان مەملەكەت باسشىسى كەلەسى جىلدىڭ سوڭىنا دەيىن قالانىڭ بارلىق اۋداندارىندا پوليتسيانىڭ سەگىز سەرۆيستىك ورتالىعىن اشىپ، قوعامدىق ءتارتىپتى قامتاماسىز ەتۋ ءۇشىن ۆەدومستۆوارالىق توپتار قۇرۋدى تاپسىردى. مۇنداي قادام پوليتسيا جۇمىسىنىڭ تيىمدىلىگىن ارتتىرۋعا مۇمكىندىك بەرەدى.
«قۇقىق بۇزۋشىلىق قاۋپىن ارتتىراتىن نەگىزگى فاكتورلاردىڭ ءبىرى-ساپاسىز جاريالاۋ نەمەسە ونىڭ قوعامدىق ورىنداردا تولىق بولماۋى. اكىمدىك 2025 جىلعا دەيىن قالا كوشەلەرى مەن قوعامدىق كەڭىستىكتەردى ءجۇز پايىز جارىقتاندىرۋمەن قامتاماسىز ەتۋى ءتيىس»، -دەدى پرەزيدەنت.
