Atyrau oblystyq polisiia departamentınde Işkı ıster ministrlıgı jürgızgen tekserısten keiın bırqatar basşy qyzmetınen şettetıldı. Būǧan deiın äleumettık jelılerde taraǧan aqparatty QR Işkı ıster ministrlıgınıŋ baspasöz qyzmetı rastady, dep habarlaidy "Adyrna".
Vedomstvonyŋ mälımetınşe, IIM aumaqtyq bölımşelerdıŋ qyzmetıne qatysty josparly tekserulerdı tūraqty türde jürgızıp otyrady.
"Qyzmettık-äskeri tärtıptıŋ öreskel būzyluy, tiıstı baqylaudyŋ bolmauy jäne jūmystyŋ dūrys ūiymdastyrylmauyna bailanysty Işkı ıster ministrınıŋ būiryǧymen Atyrau qalalyq polisiia basqarmasynyŋ bastyǧy, sondai-aq Atyrau oblysy polisiia departamentınıŋ özındık qauıpsızdık basqarmasy men esırtkı qylmystaryna qarsy ıs-qimyl basqarmasynyŋ basşylary qyzmetınen şettetıldı", – delıngen IIM baspasöz qyzmetınıŋ habarlamasynda.Vedomstvo ökılderı ministr Erjan Sädenovtıŋ būǧan deiın de IIM jüiesınde zaŋdylyq pen qyzmettık tärtıptı qamtamasyz etu baǧytynda qataŋ jäne jüielı jūmys jürgızılıp jatqanyn bırneşe ret atap ötkenın eske saldy.
"Būl jūmys jüielı ärı bırızdı sipatqa ie", – dep qorytyndylady IIM.Aita keteiık, 2026 jylǧy 26 nauryzda Almaty qalalyq polisiia departamentınde de rezonansty jol-kölık oqiǧasynan keiın bırqatar basşy qyzmetınen bosatylǧan bolatyn.
Ūqsas jaŋalyqtar
