قازاقستان پوليتسياسى ناۋرىز مەرەكەسى قارساڭىندا كۇشەيتىلگەن جۇمىس رەجيمىنە كوشتى، - دەپ حابارلايدى “ادىرنا” پورتالى.
ىشكى ىستەر مينيسترلىگىنىڭ مالىمەتىنشە، ناۋرىز مەيرامىن تويلاۋ قارساڭىندا ەلىمىزدىڭ ءتارتىپ ساقشىلارى كۇشەيتىلگەن جۇمىس رەجيمىنە كوشكەن. رەسپۋبليكادا 22 مىڭنان اسا پوليتسيا قىزمەتكەرى مەن ۇلتتىق ۇلان ساربازدارى قىزمەتكە كىرىستى.
سونىمەن قاتار، مەرەكەلىك ءىس-شارالار وتەتىن ورىنداردا جەدەل باسقارۋ ورتالىقتارىن بەينەباقىلاۋ ارقىلى ۆيزۋالدى قاداعالاۋ كۇشەيتىلدى. جالپى، ىشكى ىستەر مينيسترلىگى قوعامدىق ءتارتىپ پەن جول قاۋىپسىزدىگىن قامتاماسىز ەتۋ شارالارىن كۇشەيتكەن.
ەسكە سالايىق، بيىل ناۋرىز مەيرامىندا قازاقستاندىقتار بەس كۇن قاتارىنان دەمالادى. بۇل 2024 جىلعى ەڭ ۇزاق دەمالىس كۇندەرى بولىپ بەلگىلەندى.
