تۇركىستان قالاسىندا بەينەباقىلاۋ كامەرالارىن قاساقانا بۇلدىرگەن ەكى ەر ادام ۇستالدى. قىلمىس بەينەباقىلاۋ جۇيەلەرىنىڭ كومەگىمەن اشىلعان،دەپ حابارلايدى "ادىرنا".
وقيعا تۇنگى ساعات 01:00 شاماسىندا قالا كوشەلەرىنىڭ بىرىندە بولعان. بەتتەرىن ماسكامەن جاپقان ەكى ازامات ۇزىن اعاشتى پايدالانىپ، بىرنەشە كامەرانى ىستەن شىعارعان.
سونىڭ سالدارىنان 700 مىڭ تەڭگەدەن استام ماتەريالدىق شىعىن كەلتىرىلگەن.
پوليتسەيلەر كۇدىكتىلەردى انىقتاۋ ءۇشىن جاقىن ماڭداعى كامەرالاردىڭ جازبالارىن مۇقيات قاراپ، ولاردىڭ قوزعالىس باعىتىن بەلگىلەگەن. جەدەل ىزدەستىرۋ شارالارىنىڭ ناتيجەسىندە ەكى كۇدىكتى دە قولعا ءتۇستى.
الدىن الا مالىمەت بويىنشا، ولار بۇل ارەكەتكە جول ەرەجەسىن بۇزعانى ءۇشىن سالىنعان ايىپپۇلعا نارازىلىق رەتىندە بارعاندارىن ايتقان.
اتالعان دەرەك بويىنشا بوتەننىڭ مۇلكىن قاساقانا ءبۇلدىرۋ فاكتىسىمەن قىلمىستىق ءىس قوزعالدى. قازىر سوتقا دەيىنگى تەرگەۋ امالدارى جۇرگىزىلۋدە.
